ਗੁਰਦਾਸਪੁਰ, 9 ਅਕਤੂਬਰ (ਸਰਬਜੀਤ ਸਿੰਘ)- ਥਾਣਾ ਤਿੱਬੜ ਦੀ ਪੁਲਸ ਨੇ ਝਪਟਾ ਮਾਰ ਕੇ ਨਕਦੀ ਖੋਹਣ ਦੇ ਮਾਮਲੇ ਵਿੱਚ ਅਣਪਛਾਤੇ ਲੂਟੇਰਿਆ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਰੋਸ਼ਨ ਲਾਲ ਪੁੱਤਰ ਮੁਨਸ਼ੀ ਰਾਮ ਵਾਸੀ ਮੁਹੱਲਾ ਇਸਲਾਮਾਬਾਦ ਵਾਰਡ ਨੰ:7 ਨਜਦੀਕ ਅਨੰਦ ਮਾਡਲ ਸਕੂਲ ਗੁਰਦਾਸਪੁਰ ਨੇ ਦੱਸਿਆ ਕਿ ਉਹ ਪਿੰਡਾ ਵਿੱਚ ਘੁੰਮ ਫਿਰ ਕੇ ਦਾਲਾ ਵੇਚਣ ਦਾ ਕੰਮ ਕਰਦਾ ਹੈ। 8 ਅਕਤੂਬਰ ਨੂੰ ਉਹ ਆਪਣੀ ਸਕੂਟਰੀ ’ਤੇ ਸਵਾਰ ਹੋ ਕੇ ਤਿੱਬੜ ਤੋ ਗੁਰਦਾਸਪੁਰ ਸਾਇਡ ਨੂੰ ਜਾ ਰਿਹਾ ਸੀ।ਜਦੋਂ ਉਹ ਪਿੰਡ ਕੋਠੇ ਨਜਦੀਕ ਪੁੱਜਾ ਤਾਂ ਪਿੱਛੇ ਤੋ ਇੱਕ ਨਾ-ਮਾਲੂਮ ਨੋਜਵਾਨ ਪਲਸਰ ਮੋਟਰਸਾਈਕਲ ’ਤੇ ਸਵਾਰ ਹੋ ਆਇਆ ਤੇ ਉਸ ਦੇ ਪਹਿਨੇ ਹੋਏ ਕੂੜਤੇ ਦੀ ਵੱਖੀ ਵਾਲੀ ਜੇਬ ਜਿਸ ਵਿੱਚ 18500/-ਰੁਪਏ ਸਨ। ਝਪਟਾ ਮਾਰ ਕੇ ਖੋਹ ਕੇ ਲੈ ਗਿਆ ਹੈ।
