ਗੁਰਦਾਸਪੁਰ, 14 ਸਤੰਬਰ (ਸਰਬਜੀਤ ਸਿੰਘ)-ਥਾਣਾ ਸਦਰ ਦੀ ਪੁਲਸ ਨੇ ਨਾਬਾਲਗ ਲੜਕੀ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਇੱਕ ਨੌਜਵਾਨ ਖਿਲਾਫ ਮਾਮਲਾਦਰਜ ਕੀਤਾ ਹੈ।
ਪੀੜਤ ਨਾਬਾਲਗ ਲੜਕੀ ਨੇ ਦੱਸਿਆ ਕਿ ਉਹ 12ਵੀਂ ਕਲਾਸ ਵਿੱਚ ਪੜਦੀ ਹੈ। ਉਸਦੇ ਗੁਆਂਢ ਵਿੱਚ ਦੋਸੀ ਸੈਮੂਅਲ ਮਸੀਹ ਦਾ ਘਰ ਹੈ। ਦੋਸ਼ੀ ਨੇ ਉਸਨੂੰ ਆਪਣੇ ਪਿਆਰ ਵਿੱਚ ਫਸਾ ਲਿਆ। ਇਸ ਦੀ ਆੜ ਵਿੱਚ ਦੋਸ਼ੀ ਨੇ ਉਸਨੂੰ 24 ਮਾਰਚ ਨੂੰ ਆਪਣੇ ਜਨਮ ਦਿਨ ਪਾਰਟੀ ’ਤੇ ਇੱਕ ਹੋਟਲ ਵਿਖੇ ਬੁਲਾਇਆ ਤਾਂ ਉਹ ਉਥੇ ਚੱਲੀ ਗਈ। ਜਿਥੇ ਪਾਰਟੀ ’ਤੇ ਆਏ ਸਾਰੇ ਵਿਅਕਤੀ ਜਾਣ ਲੱਗੇ ਤਾਂ ਦੋਸ਼ੀ ਨੇ ਉਸਨੂੰ ਹੋਟਲ ਵਿੱਚ ਰੋਕ ਲਿਆ ਅਤੇ ਉਸੇ ਕਮਰੇ ਵਿੱਚ ਉਸਦੀ ਮਰਜੀ ਤੋਂ ਬਿਨਾਂ ਉਸ ਨਾਲ ਬਲਾਤਕਾਰ ਕੀਤਾ ਅਤੇ ਆਪਣੇ ਮੋਬਾਇਲ ਵਿੱਚ ਉਸ ਦੀਆਂ ਫੋਟੋਆਂ ਖਿੱਚ ਲਈਆਂ ਅਤੇ ਇਸ ਬਾਰੇ ਕਿਸੇ ਨੂੰ ਦੱਸਣ ’ਤੇ ਮਾਰ ਦੇਣ ਦੀਆਂ ਧਮਕੀਆਂ ਦਿੱਤੀਆਂ।
