ਨੌਸ਼ਿਹਰਾ ਮੱਝਾ ਸਿੰਘ, ਗੁਰਦਾਸਪੁਰ, 20 ਮਾਰਚ (ਸਰਬਜੀਤ ਸਿੰਘ)– ਪਾਵਰਕਾਮ ਸਬ ਡਵੀਜ਼ਨ ਨੌਸ਼ਿਹਰਾ ਮੱਝਾ ਸਿੰਘ ਦੇ ਨਵੇਂ ਐਸ ਡੀ ਓ ਜਤਿੰਦਰ ਸ਼ਰਮਾ ਨੇ ਪਿਛਲੇ ਦਿਨੀਂ ਸਬ ਡਵੀਜ਼ਨ ਦਾ ਚਾਰਜ ਸੰਭਾਲਿਆ। ਇਸ ਮੌਕੇ ਜੇਈ ਜਸਬੀਰ ਸਿੰਘ, ਗੁਰਜਿੰਦਰ ਸਿੰਘ, ਜਸਪ੍ਰੀਤ ਟਿੰਕੂ, ਸੁਖਦੇਵ ਸਿੰਘ, ਆਰ ਏ ਨਰਿੰਦਰ ਸੈਣੀ, ਨਾਨਕ ਸਿੰਘ ਸੀਨੀਅਰ ਮੀਤ ਪ੍ਰਧਾਨ ਇੰਪਲਾਈਜ ਫੈਡਰੇਸ਼ਨ, ਸੁਖਵੰਤ ਪਾਲ ਜੇਈ,ਅਸ਼ੋਕ ਕੁਮਾਰ ਐਸ ਡੀ ਓ ਧਾਰੀਵਾਲ ਆਦਿ ਨੇ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ।
ਸ਼ਰਮਾ ਨੇ ਸਮੂਹ ਖਪਤਕਾਰ ਨੂੰ ਕਿਹਾ ਕਿ ਆਪਣੇ ਬਿਜਲੀ ਦੇ ਬਕਾਇਆ ਬਿੱਲ ਤੁਰੰਤ ਜਮਾਂ ਕਰਵਾਏ ਜਾਣ। ਬਿਜਲੀ ਦੀ ਵਰਤੋਂ ਲੋੜ ਅਨੁਸਾਰ ਹੀ ਕੀਤੀ ਜਾਵੇ। ਅਗਰ ਕਿਸੇ ਵੀ ਖਪਤਕਾਰ ਨੂੰ ਕੋਈ ਸ਼ਿਕਾਇਤ ਹੈ ਤਾਂ ਕੰਮ ਵਾਲੇ ਦਿਨ ਦਫਤਰ ਵਿਖੇ ਸਿੱਧੇ ਤੌਰ ਤੇ ਮਿਲ ਸਕਦਾ ਹੈ। ਸ਼ਿਕਾਇਤ ਦਾ ਨਿਪਟਾਰਾ ਮੌਕੇ ਦੇ ਕਰ ਦਿੱਤਾ ਜਾਵੇਗਾ। ਸ਼ਰਮਾ ਦੇ ਉੱਪ ਮੰਡਲ ਅਫ਼ਸਰ ਵਜੋਂ ਜੁਆਇੰਨ ਕਰਨ ਤੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਹੈ। ਇਸ ਤੋਂ ਪਹਿਲਾਂ ਸ਼੍ਰੀ ਸ਼ਰਮਾ ਧਾਰੀਵਾਲ ਵਿਖੇ ਤਾਇਨਾਤ ਸਨ।
