ਗੁਰਦਾਸਪੁਰ 5 ਜੁਲਾਈ ( ਸਰਬਜੀਤ ) :- ਭਾਸ਼ਾ ਵਿਭਾਗ, ਪੰਜਾਬ ਦੀਆਂ ਹਦਾਇਤਾਂ ਅਨੁਸਾਰ ਜ਼ਿਲ੍ਹਾ ਭਾਸ਼ਾ ਅਫ਼ਸਰ, ਗੁਰਦਾਸਪੁਰ ਪਰਮਜੀਤ ਸਿੰਘ ਕਲਸੀ ਵਲੋਂ ਸੂਚਨਾ ਦਿੱਤੀ ਹੈ ਕਿ ਜ਼ਿਲ੍ਹਾ ਲਾਇਬਰੇਰੀ ਗੁਰਦਾਸਪੁਰ, ਵਿਖੇ ਮਿਤੀ 01 ਜੁਲਾਈ, 2022 ਤੋਂ ਮੁਫ਼ਤ ਉਰਦੂ ਆਮੋਜ਼ ਦੀ ਕਲਾਸ ਸ਼ੁਰੂ ਕੀਤੀ ਜਾ ਰਹੀ ਹੈ। ਇਸ ਕਲਾਸ ਦੀ ਸਿਖਲਾਈ ਦਾ ਸਮਾਂ ਸ਼ਾਮ 5:15 ਵਜੇ ਤੋਂ 6:15 ਵਜੇ ਤੱਕ ਇੱਕ ਘੰਟੇ ਦਾ ਹੋਵੇਗਾ। ਇਸ ਕੋਰਸ ਦੀ ਮਿਆਦ 6 ਮਹੀਨੇ ਹੋਵੇਗੀ। ਇਸ ਕਲਾਸ ਵਿੱਚ ਸਰਕਾਰੀ ਕਰਮਚਾਰੀ/ਵਿਦਿਆਰਥੀ, ਦੁਕਾਨਦਾਰ ਅਤੇ ਹਰ ਆਮ ਵਿਅਕਤੀ ਜੋ ਵੀ ਉਰਦੂ ਸਿੱਖਣ ਦਾ ਚਾਹਵਾਨ ਹੋਵੇ ਆਪਣਾ ਬਿਨੈ-ਪੱਤਰ ਦੇ ਕੇ ਮਿਤੀ 09 ਜੁਲਾਈ, 2022 ਤੱਕ ਦਾਖਲਾ ਲੈ ਸਕਦਾ ਹੈ। ਇਹ ਕਲਾਸ ਜ਼ਿਲ੍ਹਾ ਲਾਇਬਰੇਰੀ ਗੁਰਦਾਸਪੁਰ, ਵਿਖੇ ਲਗਾਈ ਜਾਵੇਗੀ। ਕੋਈ ਹੋਰ ਜਾਣਕਾਰੀ ਲਈ ਇਸ ਦਫ਼ਤਰ ਵਿਖੇ ਸੰਪਰਕ ਕੀਤਾ ਜਾ ਸਕਦਾ ਹੈ।
