ਗੁਰਦਾਸਪੁਰ, 4 ਅਕਤੂਬਰ (ਸਰਬਜੀਤ ਸਿੰਘ)– ਮਨਿਸਟੀਰੀਅਲ ਸਰਵਿਸਿਜ਼ ਐਸੋਸੀਏਸ਼ਨ ਸਿੱਖਿਆ ਵਿਭਾਗ ਪੰਜਾਬ ਦਾ ਵਫ਼ਦ ਸੂਬਾ ਪ੍ਰਧਾਨ ਸਰਬਜੀਤ ਸਿੰਘ ਡਿਗਰਾ ਅਤੇ ਜਨਰਲ ਸਕੱਤਰ ਪਵਨਦੀਪ ਸ਼ਰਮਾ ਦੀ ਅਗਵਾਈ ਹੇਠ ਮਾਨਯੋਗ ਡਾਇਰੈਕਟਰ ਸਿੱਖਿਆ ਵਿਭਾਗ ਸੈਕੰਡਰੀ ਸਿੱਖਿਆ ਪੰਜਾਬ ਗੁਰਿੰਦਰ ਸਿੰਘ ਸੋਢੀ ਨੂੰ ਮਿਲਿਆ ਅਤੇ ਯੁਨੀਅਨ ਦੀਆਂ ਮੰਗਾਂ ਸਬੰਧੀ ਗੱਲਬਾਤ ਹੋਈ । ਡੀ ਪੀ ਆਈ ਵੱਲੋਂ ਸਾਰੀਆਂ ਮੰਗਾਂ ਨੂੰ ਬਹੁਤ ਹੀ ਅਰਾਮ ਨਾਲ ਵਿਸਥਾਰਪੂਰਵਕ ਢੰਗ ਨਾਲ ਸੁਣਿਆ ਅਤੇ ਜਲਦ ਤੋਂ ਜਲਦ ਹੱਲ ਕਰਵਾਉਣ ਦਾ ਵਾਅਦਾ ਵੀ ਕੀਤਾ। ਸੀਨੀਅਰ ਸਹਾਇਕ ਦੀਆਂ ਪ੍ਰਮੋਸ਼ਨਾਂ ਸਬੰਧੀ ਉਹਨਾਂ ਕਿਹਾ ਕਿ ਪਿਛਲੀ ਵਾਰ ਪ੍ਰਮੋਸ਼ਨਾਂ ਉਪਰੰਤ ਜੋ ਐਸ ਸੀ ਬੀ ਸੀ ਅਧਿਆਪਕ ਯੁਨੀਅਨ ਵੱਲੋਂ ਪ੍ਰਮੋਸ਼ਨਾਂ ਦੇ ਰੋਸਟਰ ਉਪਰ ਇਤਰਾਜ਼ ਉਠਾਇਆ ਸੀ ਜਿਸ ਕਾਰਨ ਪ੍ਰਮੋਸ਼ਨਾ ਕਰਨ ਤੋਂ ਪਹਿਲਾਂ ਉਹਨਾਂ ਦੇ ਇਤਰਾਜ਼ ਉਪਰ ਵਿਚਾਰ ਕੀਤੀ ਜਾ ਰਹੀ ਹੈ। ਤਾਂ ਜੋ ਭਵਿੱਖ ਵਿੱਚ ਕੋਈ ਮੁਸ਼ਕਲ ਪੇਸ਼ ਨਾ ਆਵੇ।
ਉਹਨਾਂ ਕਿਹਾ ਕਿ ਸੀਨੀਅਰ ਸਹਾਇਕ ਸੁਪਰਡੰਟ ਤਰੱਕੀ ਲਈ ਤਜੁਰਬਾ 8 ਸਾਲ ਤੋ ਘਟਾ ਕੇ 2 ਸਾਲ ਕਰਨ, ਸਾਲ 2018 ਵਿੱਚ ਬਣੇ ਰੂਲਾਂ ਵਿੱਚ ਅਧਿਆਪਕਾਂ ਦੀ ਤਰਜ ਤੇ ਟੈਟ ਤੋ ਛੋਟ, ਨਵੀਂ ਪੈਨਸ਼ਨ ਸਕੀਮ ਤੋਂ ਪੁਰਾਣੀ ਪੈਨਸ਼ਨਾਂ ਸਕੀਮ ਵਿੱਚ ਆਏ ਕਰਮਚਾਰੀਆ ਨੂੰ ਜੀਪੀਐਫ ਨੰਬਰ ਅਲਾਟ ਕਰਵਾਉਣੇ, ਵੱਖ ਵੱਖ ਦਫ਼ਤਰਾਂ ਵਿਚ ਲੋੜ ਅਨੁਸਾਰ ਕਲਰਕ ਅਤੇ ਸੀਨੀਅਰ ਸਹਾਇਕ ਦੀਆਂ ਪੋਸਟਾਂ ਅਲਾਟ ਕਰਨ, ਜੂਨੀਅਰ ਸਹਾਇਕਾਂ ਦੀਆਂ ਤਰੱਕੀਆਂ, ਵੋਕੇਸ਼ਨਲ ਕੋਟੇ ਵਿੱਚ ਕਲਰਕਾਂ ਦੀਆਂ ਤਰੱਕੀਆਂ, ਕਲਰਕ ਤੋਂ ਲਾਇਬ੍ਰੇਰੀ ਰਿਸਟੋਟਰ ਤਰੱਕੀਆਂ ਜੂਨੀਅਰ ਸਹਾਇਕ ਤੋਂ ਸੀਨੀਅਰ ਸਹਾਇਕ ਅਤੇ ਸੀਨੀਅਰ ਸਹਾਇਕ ਤੋਂ ਸੁਪਰਡੈਂਟ ਦੀਆਂ ਪ੍ਰਮੋਸਨਾ, ਪ੍ਰਬੰਧ ਅਫਸਰਾਂ ਦੀਆਂ ਪੋਸਟਾਂ ਮੁੜ ਸੁਰਜੀਤ ਕਰਨ ਸਬੰਧੀ, ਸਟੈਨੋ ਟਾਇਪਿਸਟ ਤੋਂ ਜੂਨੀਅਰ ਸਕੇਲ ਸਟੈਨੋਗ੍ਰਾਫ਼ਰ ਅਤੇ ਜੂਨੀਅਰ ਸਕੇਲ ਸਟੈਨੋਗ੍ਰਾਫ਼ਰ ਤੋਂ ਸੀਨੀਅਰ ਸਕੇਲ ਸਟੈਨੋਗ੍ਰਾਫ਼ਰ ਦੀਆਂ ਤਰੱਕੀਆਂ ਬਿਨ੍ਹਾ ਟੈਸਟ ਤੋ ਕਰਨ ਸੰਬੰਧੀ,ਸਟੈਨੋ ਟਾਇਪਸਟ ਤੋ ਸੀਨੀਅਰ ਸਹਾਇਕ ਦੀਆਂ ਪ੍ਰਮੋਸਨਾ,ਤਰਸ ਦੇ ਅਧਾਰ ਤੇ ਭਰਤੀ ਕਲਰਕਾਂ ਨੂੰ ਟਾਈਪ ਟੈਸਟ ਤੋ ਪੂਰਨ ਛੋਟ ਆਦਿ ਤੇ ਵਿਸਥਾਰ ਪੂਰਵਕ ਚਰਚਾ ਹੋਈ। ਸਟਬਲ ਬਰਨਿੰਗ ਦੀਆਂ ਡਿਊਟੀਆਂ ਸਬੰਧੀ ਵੀ ਡੀਪੀਆਈ ਸਾਹਿਬ ਨੂੰ ਜਾਣੂ ਕਰਵਾਇਆ ਗਿਆ ਕਿ ਕਲਰਕਾਂ ਦੇ ਇੰਸ ਡਿਊਟੀ ਤੋਂ ਛੂਟ ਦਵਾਈ ਜਾਵੇ ਕਿਉਂਕਿ ਦਫਤਰਾਂ ਦੇ ਕੰਮ ਇਸ ਨਾਲ ਪ੍ਰਭਾਵਿਤ ਹੋ ਰਹੇ ਹਨ ,ਇਸ ਮੌਕੇ ਇਸਤਰੀ ਵਿੰਗ ਦੇ ਸੂਬਾ ਪ੍ਰਧਾਨ ਸ਼੍ਰੀ ਮਤੀ ਭੁਪਿੰਦਰ ਕੌਰ ਫਿਰੋਜ਼ਪੁਰ ਅਤੇ ਜਨਰਲ ਸਕੱਤਰ ਪ੍ਰਭਜੋਤ ਕੌਰ ਬੈਂਸ ਜਲੰਧਰ ਅਤੇ ਗੁਰਦਾਸਪੁਰ ਪਠਾਨਕੋਟ ਅੰਮ੍ਰਿਤਸਰ ਤਰਨ ਤਾਰਨ ਪਟਿਆਲਾ ਜਲੰਧਰ ਕਪੂਰਥਲਾ ਸ੍ਰੀ ਫ਼ਤਹਿਗੜ੍ਹ ਸਾਹਿਬ ਨਵਾਂ ਸ਼ਹਿਰ ਰੋਪੜ ਮੋਗਾ ਲੁਧਿਆਣਾ ਫਰੀਦਕੋਟ ਫਿਰੋਜ਼ਪੁਰ ਫਾਜ਼ਿਲਕਾ ਮਲੇਰਕੋਟਲਾ ਆਦਿ ਜ਼ਿਲ੍ਹਿਆਂ ਤੋਂ ਸਾਥੀ ਹਾਜ਼ਰ ਸਨ ।
