ਗੁਰਦਾਸਪੁਰ, 10 ਜੂਨ (ਸਰਬਜੀਤ ਸਿੰਘ)– 16 ਸਾਲਾ ਸਾਹਿਬ ਸਿੰਘ ਜਿਥੇ ਗੁਰਬਾਣੀ ਦਾ ਨਿੱਤਨੇਮ ਕੰਠ ਕਰੀਂ ਬੈਠਾ ਹੈ, ਉਥੇ ਜਾਪ ਸਾਹਿਬ ਦੀ ਬਾਣੀ ਨਾਲ ਅਥਾਹ ਪਿਆਰ ਕਰਨ ਦੇ ਨਾਲ ਨਾਲ ਛੋਟੀ ਉਮਰ ‘ਚ ਇੰਟਰਨੈਸ਼ਨਲ ਚੈਸਟ ਮਾਸਟਰ ਬਣ ਕੇ ਸਿੱਖ ਕੌਮ ਦਾ ਨਾਂ ਉੱਚਾ ਕੀਤਾ ਹੈ,ਇਥੇ ਹੀ ਬਸ ਨਹੀਂ ਧਰਮ ਅਤੇ ਰੱਬ ਵਿਚ ਪੂਰਨ ਵਿਸ਼ਵਾਸ ਰੱਖਣ ਵਾਲੇ 16 ਸਾਲਾ ਕਾਕਾ ਸਾਹਿਬ ਨੇ ਸਤਰੰਜ ਖੇਡ ਦਾ ਵੱਡਾ ਮਾਰਕਾ ਮਾਰਨ ਤੋਂ ਬਾਅਦ ਸੰਤ ਗੁਰਪ੍ਰੀਤ ਸਿੰਘ ਜੀ ਉਦਾਸੀ ਮੁਖੀ ਇੰਟਰਨੈਸ਼ਨਲ ਉਦਾਸੀਨ ਟਕਸਾਲ ਤੋਂ ਵਿਸ਼ੇਸ਼ ਅਸ਼ੀਰਵਾਦ ਪ੍ਰਾਪਤ ਕੀਤਾ ਅਤੇ ਆਉਣ ਵਾਲੇ ਸਮੇਂ ‘ਚ ਗ੍ਰੈਂਡ ਮਾਸਟਰ ਬਣਨ ਲਈ ਮਹਾਪੁਰਸ਼ਾਂ ਤੋਂ ਅਰਦਾਸ ਕਰਵਾਉਣ ਲਈ ਮਿਆਣੀ ਪੱਤਣ ਪਹੁੰਚਿਆ, ਜਿਥੇ ਮਹਾਂਪੁਰਸ਼ ਸੰਤ ਗੁਰਪ੍ਰੀਤ ਸਿੰਘ ਉਦਾਸੀ ਵੱਲੋਂ ਉਹਨਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਅਤੇ ਭਵਿੱਖ ‘ਚ ਇੰਟਰਨੈਸ਼ਨਲ ਗ੍ਰੈਂਡ ਮਾਸਟਰ ਬਣਨ ਦੀ ਅਰਦਾਸ ਵੀ ਕੀਤੀ ਗਈ,ਲੋਕਾਂ ਵੱਲੋਂ ਇੰਨੀਂ ਛੋਟੀ ਉਮਰ ਵਿੱਚ ਵੱਡਾ ਮਾਰਕਾ ਮਾਰ ਕੇ ਚੈਸਟ ਮਾਸਟਰ ਬਣਨ ਵਾਲੇ 16 ਸਾਲਾਂ ਸਾਹਿਬ ਸਿੰਘ ਅਤੇ ਉਨ੍ਹਾਂ ਦੇ ਪ੍ਰਵਾਰ ਨੂੰ ਵਧਾਈਆਂ ਦੇ ਰਹੇ ਹਨ, ਇਸ ਕਰਕੇ ਸਾਡੀ ਜਥੇਬੰਦੀ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਖਾਲਸਾ ਜਿਥੇ ਕਾਕਾ ਸਾਹਿਬ ਸਿੰਘ ਨੂੰ ਸ਼ਤਰੰਜ ਖੇਡ’ਚ ਚੈਸਟ ਮਾਸਟਰ ਬਣਨ ਦੀ ਵਧਾਈ ਦਿੰਦੀ ਹੈ, ਉਥੇ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦੀ ਹੈ ਕਿ ਉਹ ਜਲਦੀ ਤੋਂ ਜਲਦੀ ਗ੍ਰੈਂਡ ਮਾਸਟਰ ਬਣ ਕੇ ਸਿੱਖ ਕੌਮ ਤੇ ਆਪਣੇ ਪ੍ਰਵਾਰ ਦਾ ਨਾਂ ਰੌਸ਼ਨ ਕਰਨ ਤਾਂ ਕਿ ਸਿੱਖ ਕੌਮ ਦੇ ਛੋਟੇ ਬੱਚਿਆਂ ਨੂੰ ਪੜ੍ਹਾਈ ਦੇ ਨਾਲ ਨਾਲ ਰੱਬੀ ਬਾਣੀ ਦੇ ਅਭਿਆਸ ਲਈ ਪ੍ਰੇਰਿਤ ਕੀਤਾ ਜਾ ਸਕੇ, ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਖਾਲਸਾ ਦੇ ਕੌਮੀ ਪ੍ਰਧਾਨ ਭਾਈ ਵਿਰਸਾ ਸਿੰਘ ਖਾਲਸਾ ਨੇ 16 ਸਾਲਾਂ ਕਾਕਾ ਸਾਹਿਬ ਸਿੰਘ ਜੀ ਦੇ ਸ਼ਤਰੰਜ ਖੇਡ’ਚ ਚੈਸਟ ਮਾਸਟਰ ਬਣਨ ਦੀ ਵਧਾਈ ਅਤੇ ਗ੍ਰੈਂਡ ਮਾਸਟਰ ਬਣਨ ਦੀ ਕਾਮਨਾ ਕਰਦਿਆਂ ਇੱਕ ਲਿਖਤੀ ਪ੍ਰੈਸ ਬਿਆਨ ਰਾਹੀਂ ਕੀਤਾ, ਭਾਈ ਖਾਲਸਾ ਨੇ ਦੱਸਿਆ 16 ਸਾਲਾਂ ਕਾਕਾ ਸਾਹਿਬ ਸਿੰਘ ਦੀ ਤਰੱਕੀ ਦਾ ਮੁੱਖ ਤੇ ਵੱਡਾ ਕਾਰਨ ਗੁਰਬਾਣੀ ਦਾ ਨਿੱਤਨੇਮ ਅਤੇ ਜਾਪ ਸਾਹਿਬ ਦੀ ਬਾਣੀ ਦਾ ਅਭਿਆਸ ਹੈ ਉਹਨਾਂ ਕਿਹਾ ਸਮੂਹ ਮਾਤਾਵਾਂ ਆਪਣੇ ਬੱਚਿਆਂ ਨੂੰ ਸਕੂਲੀ ਪੜ੍ਹਾਈ ਦੇ ਨਾਲ ਨਾਲ ਕਾਕਾ ਸਾਹਿਬ ਸਿੰਘ ਵਾਂਗ ਗੁਰਬਾਣੀ ਦੇ ਅਭਿਆਸ ਨਾਲ ਜੋੜਨ ਦੀ ਲੋੜ ਤੇ ਜ਼ੋਰ ਦੇਣਾ ਚਾਹੀਦਾ ਤਾਂ ਕਿ ਸਿੱਖ ਨੌਜਵਾਨ ਪੀੜ੍ਹੀ ਨੂੰ ਛੋਟੀ ਉਮਰ’ਚ ਗੁਰਬਾਣੀ ਅਭਿਆਸ ਨਾਲ ਜੋੜਿਆ ਜਾ ਸਕੇ।
