ਅਮ੍ਰਿਤਸਰ, ਗੁਰਦਾਸਪੁਰ, 15 ਦਸੰਬਰ (ਸਰਬਜੀਤ ਸਿੰਘ)– ਅਮ੍ਰਿਤਸਰ ਦੇ ਡਿਪਟੀ ਕਮਿਸ਼ਨਰ ਦੇ ਦਫਤਰ ਮੂਹਰੇ ਸੀ ਪੀ ਆਈ ਐਮ ਐਲ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਵਲੋਂ ਨਿਜੀ ਵਿੱਤੀ ਕੰਪਨੀਆਂ ਦੇ ਵਿਰੁੱਧ ਰੈਲੀ ਕਰਕੇ ਕਰਜਾਧਾਰਕਾ ਨਾਲ ਇਕਮੁੱਠਤਾ ਦਾ ਪ੍ਰਗਟਾਵਾ ਕੀਤਾ। ਰੈਲੀ ਵਿਚ ਬੋਲਦਿਆਂ ਮਜ਼ਦੂਰ ਆਗੂ ਗੁਰਪ੍ਰੀਤ ਸਿੰਘ ਰੂੜੇਕੇ, ਵਿਜੇ ਸੋਹਲ, ਕਿਸਾਨ ਆਗੂ ਬਲਬੀਰ ਸਿੰਘ ਝਾਮਕਾ, ਮੰਗਲ ਸਿੰਘ ਧਰਮਕੋਟ, ਬਲਬੀਰ ਸਿੰਘ ਮੂਧਲ, ਨਿਰਮਲ ਸਿੰਘ ਛੱਜਲਵੱਡੀ ਅਤੇ ਲਿਬਰੇਸ਼ਨ ਦੇ ਸੂਬਾ ਸਕੱਤਰ ਕਾਮਰੇਡ ਗੁਰਮੀਤ ਸਿੰਘ ਬੱਖਤਪੁਰਾ ਨੇ ਵਿੱਤੀ ਕੰਪਨੀਆਂ ਉੱਪਰ ਕਰਜਾਧਾਰਕਾ ਤੋਂ ਦੀ ਕੋਰੇ ਚੈਕਾ,ਕੋਰੇ ਅਸ਼ਟਾਮਾ ਅਤੇ ਕੋਰੇ ਕਾਗਜ ਉਪਰ ਦਸਤਖ਼ਤ ਕਰਵਾ ਕੇ ਗਰੀਬਾਂ ਨਾਲ ਧੋਖਾ ਦੇਹੀ ਕਰਨ ਦੇ ਦੋਸ ਲਾਉਂਦਿਆਂ ਕਿਹਾ ਕਿ ਕੰਪਨੀਆਂ ਨੇ ਬਿਨਾਂ ਕਨੂੰਨੀ ਨਿਯਮਾਂ ਨੂੰ ਅਪਣਾਉਂਦਿਆਂ ਇਨ੍ਹਾਂ ਪਰਿਵਾਰਾਂ ਨੂੰ ਨਾਨਿਕਲ ਜਾ ਸਕਣ ਵਾਲੇ ਕਰਜ਼ਾ ਜਾਲ ਵਿਚ ਫਸਾ ਰੱਖਿਆ ਹੈ। ਹੁਣ ਇਹ ਦਿਹਾੜੀ ਦਾਰ ਪ੍ਰੀਵਾਰ ਕਿਸ਼ਤਾਂ ਉਤਾਰਨ ਤੋਂ ਵੀ ਅਸਮਰਥ ਹਨ। ਜਦੋ ਕਿ ਕੰਪਨੀਆਂ ਦੇ ਕਰਿੰਦੇ ਗਰੀਬ ਪਰਿਵਾਰਾਂ ਦੇ ਘਰਾਂ ਵਿੱਚ ਜਾ ਕੇ ਜ਼ਬਰਦਸਤੀ ਕਿਸ਼ਤਾਂ ਦੀ ਮੰਗ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਘਰਾਂ ਚੋਂ ਘਰੇਲੂ ਸਾਮਾਨ ਚੁੱਕਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਜਿਨ੍ਹਾਂ ਧਕੇਸਾਹੀਆ ਨੂੰ ਕਦਾਚਿੱਤ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਆਗੂਆਂ ਕਿਹਾ ਕਿ ਮਾਨ ਸਰਕਾਰ ਨੇ ਚੋਣਾਂ ਸਮੇਂ ਮਜ਼ਦੂਰਾਂ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕਰਨ ਦੀ ਗਰੰਟੀ ਦਿੱਤੀ ਸੀ ਪਰ ਹੁਣ ਮਾਨ ਸਰਕਾਰ ਗਰੀਬਾਂ ਦੀ ਸਾਰ ਲੈਣ ਦੀ ਬਿਜਾਏ ਇਸ਼ਤਿਹਾਰਬਾਜ਼ੀ ਉਪਰ ਸਮੇਤ ਬਾਹਰਲੇ ਪ੍ਰਾਂਤਾਂ ਦੇ ਚੋਣ ਪ੍ਰਚਾਰ ਉਪਰ ਤਾਂ ਕਰੋੜਾਂ ਰੁਪਏ ਖਰਚ ਕਰ ਰਹੀ ਹੈ। ਆਗੂਆਂ ਮੰਗ ਕੀਤੀ ਕਿ ਗਰੀਬਾਂ ਨੂੰ ਨਿਜੀ ਕੰਪਨੀਆਂ ਵਲੋਂ ਦਿੱਤੇ ਕਰਜ਼ੇ ਨੂੰ ਮਾਨ ਅਤੇ ਮੋਦੀ ਸਰਕਾਰ ਆਪਣੇ ਜੁਮੇਂ ਲਵੇ, ਸਰਕਾਰ ਕੋਰੇ ਚੈਕ ਅਤੇ ਕੋਰੇ ਅਸ਼ਟਾਮ ਲੈਣ ਦੇ ਦੋਸ਼ ਵਿਚ ਕੰਪਨੀਆਂ ਵਿਰੁਧ ਕਨੂੰਨੀ ਕਾਰਵਾਈ ਕਰੇ । ਸਰਕਾਰ ਗਰੀਬਾਂ ਦੀ ਸਾਰ ਲੈਣ ਦੀ ਬਿਜਾਏ ਇਸ਼ਤਿਹਾਰਬਾਜ਼ੀ ਉਪਰ ਸਮੇਤ ਬਾਹਰਲੇ ਪ੍ਰਾਂਤਾਂ ਵਿਚ ਚੋਣ ਪ੍ਰਚਾਰ ਉਪਰ ਤਾਂ ਕਰੋੜਾਂ ਰੁਪਏ ਖਰਚ ਕਰ ਰਹੀ ਹੈ। ਆਗੂਆਂ ਮੰਗ ਕੀਤੀ ਕਿ ਗਰੀਬਾਂ ਨੂੰ ਨਿਜੀ ਕੰਪਨੀਆਂ ਵਲੋਂ ਦਿੱਤੇ ਕਰਜ਼ੇ ਨੂੰ ਮਾਨ ਅਤੇ ਮੋਦੀ ਸਰਕਾਰ ਆਪਣੇ ਜੁਮੇਂ ਲਵੇ, ਸਰਕਾਰ ਕੋਰੇ ਚੈਕ ਅਤੇ ਕੋਰੇ ਅਸ਼ਟਾਮ ਲੈਣ ਦੇ ਦੋਸ਼ ਵਿਚ ਕੰਪਨੀਆਂ ਵਿਰੁਧ ਕਨੂੰਨੀ ਕਾਰਵਾਈ ਕਰੇ, ਵਿੱਤੀ ਕੰਪਨੀਆਂ ਦੇ ਪੈਸੇ ਸਮੇਤ ਇਨ੍ਹਾਂ ਦੇ ਰੋਲ ਬਾਰੇ ਜਾਂਚ ਕੀਤੀ ਜਾਵੇ , ਚੋਣਾਂ ਦੌਰਾਨ ਔਰਤਾਂ ਨਾਲ ਇਕ ਹਜ਼ਾਰ ਰੁਪਏ ਦੇਣ ਦੀ ਗਰੰਟੀ ਪੂਰੀ ਕਰੇ ।ਇਸ ਸਮੇਂ ਦਲਬੀਰ ਭੋਲਾ ਮਲਕਵਾਲ, ਮਦਨਜੀਤ ਕਾਦਰਾਬਾਦ, ਦਲਵਿੰਦਰ ਸਿੰਘ ਪੰਨੂ, ਬਲਜੀਤ ਕੌਰ ਜੈਨਪੁਰ,ਭੋਲਾਂ ਭਿੱਟੇਵੱਡ,ਅਮਨਜੀਤ ਕੌਰ ਹੇਰ, ਮਨਜੀਤ ਕੌਰ ਕਰਵਾਇਆ, ਕੁਲਦੀਪ ਰਾਜੂ,ਲਕੀ ਛੀਨਾ ਹਾਜ਼ਰ ਸਨ
