ਅੰਮ੍ਰਿਤਸਰ, ਗੁਰਦਾਸਪੁਰ, 25 ਸਤੰਬਰ (ਸਰਬਜੀਤ ਸਿੰਘ)- ਸਟੇਟ ਬੈਂਕ ਆਫ਼ ਇੰਡੀਆ ਇੰਪਲਾਈਜ਼ ਯੂਨੀਅਨ (ਰਜਿ.) ਚੰਡੀਗੜ੍ਹ ਸਰਕਲ ਵੱਲੋਂ ਦੋ ਰੋਜ਼ਾ ਟਰੇਡ ਯੂਨੀਅਨ ਕਲਾਸ ਦਾ ਉਦਘਾਟਨੀ ਸੈਸ਼ਨ 23 ਅਤੇ 24 ਸਤੰਬਰ 2023 ਨੂੰ ਐਨਕੇ ਗੌਰ ਭਵਨ, ਅੰਮ੍ਰਿਤਸਰ ਵਿਖੇ ਆਯੋਜਿਤ ਕੀਤਾ ਗਿਆ। ਇਜਲਾਸ ਵਿੱਚ ਯੂਨੀਅਨ ਦੇ 25 ਅਹੁਦੇਦਾਰਾਂ ਨੇ ਭਾਗ ਲਿਆ। ਡਾ ਆਰ ਐਸ ਘੁੰਮਣ, ਪ੍ਰਸਿੱਧ ਪ੍ਰੋਫੈਸਰ ਅਤੇ ਅਰਥ ਸ਼ਾਸਤਰੀ, ਕਾਮ ਹਰਦੇਵ ਅਰਸ਼ੀ, ਸਾਬਕਾ ਵਿਧਾਇਕ ਅਤੇ ਟਰੇਡ ਯੂਨੀਅਨ ਆਗੂ, ਅਨਿਲ ਮਲਹੋਤਰਾ, ਜਨਰਲ ਮੈਨੇਜਰ ਰਿਟਾ. ਐਸ.ਬੀ.ਆਈ ਪ੍ਰਮੁੱਖ ਫੈਕਲਟੀ ਮੈਂਬਰਾਂ ਵਿੱਚ ਸ਼ਾਮਲ ਸੀ। ਕਾਮ ਰਵੀ ਰਾਜ਼ਦਾਨ, ਵਾਈਸ ਪ੍ਰੈਜ਼ੀਡੈਂਟ, ਪੀਬੀਈਐਫ ਅਤੇ ਕਾਮ ਕਿਸ਼ੋਰ ਸਰੀਨ, ਉਪ. ਜਨਰਲ ਸਕੱਤਰ, ਪੀਬੀਈਐਫ ਨੇ ਵੀ ਸੈਸ਼ਨ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਕੋਆਰਡੀਨੇਟਰ ਕਾਮ ਐਸ ਕੇ ਗੌਤਮ, ਨਰੇਸ਼ ਗੌੜ, ਜਨਰਲ ਸਕੱਤਰ ਅਤੇ ਕਾਮਰੇਡ ਰਾਜੇਸ਼ ਬਾਂਸਲ ਪ੍ਰਧਾਨ, ਨੇ ਵੀ ਸਫਲਤਾਪੂਰਵਕ ਸਮਾਪਤ ਹੋਏ ਸੈਸ਼ਨ ਵਿੱਚ ਮਹੱਤਵਪੂਰਨ ਵਿਚਾਰਾਂ ਦਾ ਵਰਣਨ ਕੀਤਾ। ਅਜਿਹੇ ਸੈਸ਼ਨ ਅੱਗੇ ਵੀ ਆਯੋਜਿਤ ਕੀਤੇ ਜਾਣਗੇ।
