12,23,800 ਰੁਪਏ ਭਾਰਤੀ ਕਰੰਸੀ, 14 ਮੋਬਾਇਲ ਵੱਖ-ਵੱਖ ਮਾਰਕਾ, ਇੱਕ ਲੈਪਟਾਪ, ਇੱਕ ਟੈਬ ਅਤੇ ਇੱਕ ਗੱਡੀ ਮਰਸਡੀਜ ਗੱਡੀ ਬਰਾਮਦ
ਗੁਰਦਾਸਪੁਰ, 13 ਸਤੰਬਰ (ਸਰਬਜੀਤ ਸਿੰਘ)–ਥਾਣਾ ਸਿਟੀ ਦੀ ਪੁਲਸ ਨੇ ਕ੍ਰਿਕੇਟ ਮੈਚ ਤੇ ਸੱਟਾ ਲਗਾਉਣ ਦੇ ਮਾਮਲੇ ਵਿੱਚ1 ਵਿਅਕਤੀ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਜਾਣਕਾਰੀ ਦਿੰਦੇ ਹੋਏ ਥਾਣਾ ਸਿਟੀ ਦੀ ਐਸ.ਐਚ.ਓ ਕਰਿਸ਼ਮਾ ਨੇ ਦੱਸਿਆ ਕਿ ਪੁਲਿਸ ਪਾਰਟੀ ਸਮੇਤ ਸ਼ੱਕੀ ਵਿਅਕਤੀਆਂ ਦੀ ਤਲਾਸ ਸਬੰਧੀ ਮੰਡੀ ਚੌਕ ਗੁਰਦਾਸਪੁਰ ਮੋਜੂਦ ਸੀ ਕਿ ਮੁੱਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਦੋਸੀ ਮਨਜੀਤ ਸਿੰਘ ਉਰਫ ਮੋਨੀ ਪੁੱਤਰ ਪ੍ਰੇਮ ਸਿੰਘ ਵਾਸੀ ਸਾਹਮਣੇ ਕ੍ਰਿਸ਼ਨਾ ਮੰਦਰ ਸੰਗਲਪੁਰਾ ਰੋਡ ਗੁਰਦਾਸਪੁਰ ਜੋ ਕਿ ਆਪਣੀ ਦੁਕਾਨ ਅਤੇ ਘਰ ਵਿੱਚ ਕ੍ਰਿਕਟ ਆਦਿ ਦੇ ਮੈਚਾਂ ਤੇ ਮੋਬਾਇਲ ਫੋਨਾ, ਲੈਪਟਾਪਾ ਰਾਹੀ ਦੜਾ ਸੱਟਾ ਲਗਾ ਕੇ ਬਿਨਾਂ ਸਰਕਾਰੀ ਮੰਨਜੂਰੀ ਦੇ ਭੋਲੇ ਭਾਲੇ ਲੋਕਾ ਨਾਲ ਠੱਗੀ ਮਾਰ ਕੇ ਮੋਟੀ ਰਕਮ ਵਸੂਲ ਕਰਦਾ ਹੈ। ਇਸ ਬਾਰੇ ਇਤਲਾਹ ਮਿਲਣ ਤੇ ਦੋਸੀ ਦੇ ਘਰ ਸਾਹਮਣੇ ਕ੍ਰਿਸ਼ਨਾ ਮੰਦਿਰ ਸੰਗਲਪੁਰਾ ਰੋਡ ਵਿਖੇ ਰੇਡ ਕੀਤਾ ਦੋਸੀ ਪੁਲਿਸ ਪਾਰਟੀ ਨੂੰ ਦੇਖ ਕੇ ਭੱਜਣ ਵਿੱਚ ਕਾਮਯਾਬ ਹੋ ਗਿਆ। ਮੋਕਾ ਤੋਂ 12,23,800 ਰੁਪਏ ਭਾਰਤੀ ਕਰੰਸੀ, 14 ਮੋਬਾਇਲ ਵੱਖ-ਵੱਖ ਮਾਰਕਾ, ਇੱਕ ਲੈਪਟਾਪ, ਇੱਕ ਟੈਬ ਅਤੇ ਇੱਕ ਗੱਡੀ ਮਰਸਡੀਜ ਗੱਡੀ ਬਰਾਮਦ ਕੀਤੀ ਗਈ।
