ਗੁਰਦਾਸਪੁਰ, 20 ਅਗਸਤ (ਸਰਬਜੀਤ ਸਿੰਘ)– ਇੰਜੀ: ਜਸਵਿੰਦਰ ਸਿੰਘ ਵਿਰਦੀ ਨਿਗਰਾਨ ਇੰਜੀ: ਹਲਕਾ ਗੁਰਦਾਸਪੁਰ ਨੇ ਦੱਸਿਆ ਕਿ ਹਲਕਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਰਾਣਾ ਸ਼ਾਲਾ ਸਬ ਡਵੀਜਨ ਵਿੱਚ ਪਿੰਡਾ ਦੀ ਬਿਜਲੀ ਸਪਲਾਈ ਯਾਰਡ ਵਿੱਚ ਲਗਭੱਗ 2 ਤੋਂ ਢਾਈ ਫੁੱਟ ਅਤੇ ਕੰਟਰੋਲ ਰੂਮ ਵਿੱਚ 6-7 ਇੰਚ ਹੜ੍ਹ ਦਾ ਪਾਣੀ ਭਰਨ ਕਰਕੇ 15 ਅਗਸਤ ਤੋਂ ਬੰਦ ਹੋ ਗਈ ਸੀ। ਲੱਗਭਗ 30-35 ਪਿੰਡਾਂ ਵਿੱਚ ਕਈ ਜਗ੍ਹਾਂ 4-5 ਫੁੱਟ ਪਾਣੀ ਭਰਨ ਕਰਕੇ ਬਿਜਲੀ ਸਪਲਾਈ ਕਰਨੀ ਨਾ-ਮੁਮਕਿੰਨ ਜਿਹੀ ਲੱਗ ਰਹੀ ਸੀ। ਪਰ ਇੰਜੀ. ਰੁਪਿੰਦਰਜੀਤ ਸਿੰਘ ਰੰਧਾਵਾ ਮੁੱਖ ਇੰਜੀ ਬਾਰਡਰ ਜੋਨ, ਅੰਮ੍ਰਿਤਸਰ ਵੱਲੋਂ ਅਧਿਕਾਰੀਆਂ ਅਤੇ ਮੁਲਾਜਮਾਂ ਨੂੰ ਦਿੱਤੇ ਦਿਸ਼ਾ-ਨਿਰਦੇਸ਼ ਅਤੇ ਹੌਸਲਾ ਅਫਜਾਈ ਕਰਕੇ ਮੁਲਾਜਮਾਂ ਵੱਲੋਂ ਖਤਰੇ ਦੀ ਪਰਵਾਹ ਨਾ ਕਰਦਿਆਂ 17 ਅਗਸਤ ਨੂੰ ਲੱਗਭਗ 25 ਪਿੰਡਾਂ ਦੀ ਬਿਜਲੀ ਬਹਾਲ ਕਰ ਦਿੱਤੀ ਗਈ।
18 ਅਗਸਤ ਤੱਕ ਪਾਣੀ ਦਾ ਲੈਵਲ ਕੁੱਝ ਘੱਟਣ ਕਾਰਨ ਬਾਕੀ ਰਹਿੰਦੇ ਪਿੰਡਾ ਦੀ ਬਿਜਲੀ ਵੀ ਬਹਾਲ ਕਰ ਦਿੱਤੀ ਗਈ। ਦਾਊਵਾਲ, ਦਾਊਵਾਲ, ਟਾਂਡਾ ਅਤੇ ਜਗਤਪੁਰ ਦੇ ਪਿੰਡਾਂ ਵਿੱਚ ਅਜੇ ਵੀ ਹੜ੍ਹਾਂ ਵਰਗੀ ਸਥਿਤੀ ਬਣੀ ਹੋਈ ਹੈ। ਜਿਸ ਕਰਕੇ ਇਨ੍ਹਾਂ ਪਿੰਡਾਂ ਦੇ ਸਮੂੰਹ ਮੀਟਰ ਅਤੇ ਪਿਲਰ ਬਕਸੇ ਪਾਣੀ ਵਿੱਚ ਡੁੱਬੇ ਪਏ ਹਨ ਅਤੇ ਪਿੰਡਾਂ ਵਿੱਚ ਜਾਣਾ ਵੀ ਮੁਸ਼ਕਿਲ ਹੈ, ਲੱਗਭਗ 4 ਪਿੰਡਾਂ ਦੀ ਬਿਜਲੀ ਅਤੇ ਕਈ ਡੇਰਿਆਂ ਦੀ ਬਿਜਲੀ ਅਜੇ ਵੀ ਪ੍ਰਭਾਵਿਤ ਹੈ। 66 ਕੇਵੀ ਸ/ਸ਼ ਪੁਰਾਣਾ ਸ਼ਾਲਾ ਵਿਖੇ ਵੀ ਪਾਣੀ ਡ੍ਰੋਨ ਕਰਕੇ ਟੈਸਟਿੰਗ ਮੁਕੰਮਲ ਕਰ ਦਿੱਤੀ ਗਈ ਅਤੇ ਮਿਤੀ 18–8–2023 ਦੇਰ ਰਾਤ ਸਬ ਸਟੇਸ਼ਨ ਨੂੰ ਚਾਲੂ ਹਾਲਤ ਵਿੱਚ ਕਰ ਲਿਆ ਗਿਆ ਸੀ। ਉਨ੍ਹਾਂ ਇੰਜੀ: ਕੁਲਦੀਪ ਸਿੰਘ ਵਧੀਕ ਨਿਗ: ਇੰਜੀ: ਮੰਡਲ ਗੁਰਦਾਸਪੁਰ ਅਤੇ ਇੰਜੀ: ਦੀਪਕ ਵੰਡਰਾ ਦੇ ਕੰਮ ਦੀ ਸਲਾਂਘਾ ਕੀਤੀ ਗਈ ਅਤੇ ਉਨਾਂ ਵੱਲੋ ਦੱਸਿਆ ਗਿਆ ਕਿ ਮਹਿਕਮਾ ਪਾਵਰਕਾਮ ਖੱਪਤਕਾਰਾਂ ਦੀ ਸੇਵਾ ਵਿੱਚ ਹਰ ਦੁੱਖ ਸੁੱਖ ਦੀ ਘੜੀ ਵਿੱਚ ਸਾਥ ਨਿਭਾ ਰਿਹਾ ਹੈ।
