ਗੁਰਦਾਸਪੁਰ, 4 ਅਪ੍ਰੈਲ (ਸਰਬਜੀਤ ਸਿੰਘ)–ਸਰਕਾਰੀ ਪ੍ਰਾਇਮਰੀ ਸਕੂਲ ਸਦਾਰੰਗ ਬਲਾਕ ਕਾਦੀਆਂ 2 ਵਿਖੇ ਸਲਾਨਾ ਇਨਾਮ ਵੰਡ ਸਮਾਰੋਹ ਹੈੱਡ ਟੀਚਰ ਹਰਪ੍ਰੀਤ ਸਿੰਘ ਪਰਮਾਰ ਦੀ ਅਗਵਾਈ ਵਿੱਚ ਕਰਵਾਇਆ ਗਿਆ। ਇਸ ਮੌਕੇ ਪਹਿਲੇ,ਦੂਸਰੇ ਤੇ ਤੀਸਰੇ ਸਥਾਨ ਤੇ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨ ਚਿੰਨ੍ਹ ਤੇ ਕਾਪੀਆਂ-ਪੈਨ ਆਦਿ ਵੰਡੇ ਗਏ ਅਤੇ ਬਾਕੀ ਬੱਚਿਆਂ ਨੂੰ ਹੋਸਲਾ ਅਫ਼ਜਾਈ ਲਈ ਪੈਨਸ਼ਨਾਂ ਕਾਪੀਆਂ ਪੈਨ / ਪੈਨਸਿਲਾਂ ਦਿੱਤੀਆਂ। ਇਸ ਮੌਕੇ ਹੈੱਡ ਟੀਚਰ ਹਰਪ੍ਰੀਤ ਸਿੰਘ ਪਰਮਾਰ ਨੇ ਆਏ ਮਾਪਿਆਂ ਨੂੰ ਆਪਣੇ ਬੱਚੇ ਸਰਕਾਰੀ ਸਕੂਲਾਂ ਵਿੱਚ ਦਾਖਲ ਕਰਵਾਉਣ ਲਈ ਪ੍ਰੇਰਿਤ ਕੀਤਾ ਅਤੇ ਸਰਕਾਰ ਵੱਲੋਂ ਮਿਲ ਰਹੀਆਂ ਸਹੂਲਤਾਂ ਮਿੱਡ ਡੇ ਮੀਲ , ਮੁਫ਼ਤ ਕਿਤਾਬਾਂ , ਵਰਦੀਆਂ ਤੋਂ ਇਲਾਵਾ ਵਧੀਆ ਬਿਲਡਿੰਗ , ਪ੍ਰੋਜੈਕਟਰ , ਕੰਪਿਊਟਰ , ਲਿਸਨਿੰਗ ਲੈਬ , ਪ੍ਰੀ ਪ੍ਰਾਇਮਰੀ ਦੇ ਬੱਚਿਆਂ ਲਈ ਵੱਖਰਾ ਕਮਰਾ , ਤੇ ਹੋਰ ਸਹੂਲਤਾਂ ਬਾਰੇ ਜਾਣਕਾਰੀ ਦਿੱਤੀ। ਇਸ ਮੌਕੇ ਭੁਪਿੰਦਰ ਸਿੰਘ ਪੱਡਾ ਤੋਂ ਇਲਾਵਾ , ਮਿਡਲ ਸਕੂਲ ਸਟਾਫ਼ , ਮੈਡਮ ਸ਼ਰਨਜੀਤ ਕੌਰ, ਕੁਲਦੀਪ ਕੌਰ, ਗੁਰਮੀਤ ਕੌਰ, ਪਰਵਿੰਦਰ ਸਿੰਘ, ਜਰਮਨਜੀਤ ਸਿੰਘ,ਲਵਲੀਨ ਕੌਰ ਆਦਿ ਹਾਜ਼ਰ ਸਨ।
