ਸਰਕਾਰ ਕੰਪਨੀਆਂ ਦੀ ਧੱਕੇਸ਼ਾਹੀ ਨੂੰ ਸਖਤੀ ਨਾਲ ਰੋਕਣ-ਬੱਖਤਪੁਰਾ
ਅੰਮ੍ਰਿਤਸਰ, ਗੁਰਦਾਸਪੁਰ, 28 ਦਸੰਬਰ ( ਸਰਬਜੀਤ ਸਿੰਘ)– ਸੀ ਪੀ ਆਈ ਐਮ ਐਲ ਲਿਬਰੇਸ਼ਨ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਵਲੋਂ ਕੰਪਨੀ ਬਾਗ ਅਮ੍ਰਿਤਸਰ ਵਿਖੇ ਮਾਈਕਰੋ ਫਾਈਨਾਂਸ ਕੰਪਨੀਆਂ ਤੋਂ ਪੀੜ੍ਹਤ ਕਰਜ਼ਾਧਾਰਕ ਪਰਿਵਾਰਾ ਦੇ ਹਿਤ ਵਿਚ ਰੈਲੀ ਕਰਕੇ ਮੰਗ ਕੀਤੀ ਕਿ ਸਰਕਾਰ ਇਨ੍ਹਾਂ ਗਰੀਬ ਪਰਿਵਾਰਾਂ ਦੇ ਕਰਜ਼ੇ ਨੂੰ ਆਪਣੇ ਜਿੰਮੇ ਲਵੇ। ਇਸ ਸਮੇਂ ਬੋਲਦਿਆਂ ਮਜ਼ਦੂਰ ਆਗੂ ਮੰਗਲ ਸਿੰਘ ਧਰਮਕੋਟ, ਮਦਨਜੀਤ ਕਾਦਰਾਬਾਦ, ਨਿਰਮਲ ਸਿੰਘ ਛੱਜਲਵੱਡੀ,ਕਿਸਾਨ ਆਗੂ ਬਲਬੀਰ ਸਿੰਘ ਝਾਮਕਾ, ਸ਼ਮਸ਼ੇਰ ਹੇਰ,ਬਲਬੀਰ ਸਿੰਘ ਮੂਧਲ ਅਤੇ ਲਿਬਰੇਸ਼ਨ ਦੇ ਸੂਬਾ ਸਕੱਤਰ ਕਾਮਰੇਡ ਗੁਰਮੀਤ ਸਿੰਘ ਬੱਖਤਪੁਰਾ ਨੇ ਕਿਹਾ ਕਿ ਪੰਜਾਬ ਦੇ ਬਹੁਗਿਣਤੀ ਬੇਜ਼ਮੀਨੇ ਪ੍ਰੀਵਾਰ ਮਾਈਕਰੋ ਫਾਈਨਾਂਸ ਕੰਪਨੀਆਂ ਨੇ ਆਪਣੇ ਕਰਜ਼ਾ ਜਾਲ ਵਿਚ ਫਸਾ ਰਖੇਂ ਹਨ।ਜੋ ਹੁਣ ਕਿਸ਼ਤਾਂ ਉਤਾਰਨ ਤੋਂ ਅਸਮਰਥ ਹਨ ਕਿਉਂਕਿ ਇਨ੍ਹਾਂ ਪਰਿਵਾਰਾਂ ਪਾਸ ਕੋਈ ਪੱਕਾ ਰੁਜ਼ਗਾਰ ਨਹੀਂ ਅਤੇ ਕੇਵਲ ਦਿਹਾੜੀ ਦਾਰ ਕਿਤੇ ਤੇ ਨਿਰਭਰ ਹਨ। ਆਗੂਆਂ ਕਿਹਾ ਕਿ ਪੰਜਾਬ ਅਤੇ ਕੇਂਦਰ ਸਰਕਾਰਾਂ ਗਰੀਬ ਪਰਿਵਾਰਾਂ ਦੇ ਕਰਜ਼ੇ ਦੀਆਂ ਦੋਸ਼ੀ ਹਨ ਕਿਊਕਿ ਸਰਕਾਰਾਂ ਨੇ ਅਜ਼ਾਦੀ ਦਾ ਪਾਉਣੀ ਸਦੀ ਦਾ ਸਮਾਂ ਬੀਤ ਜਾਣ ਦੇ ਬਾਵਜੂਦ ਵੀ ਗਰੀਬਾਂ ਦੇ ਰੋਜ਼ਗਾਰ ਦਾ ਕੋਈ ਬੰਦੋਬਸਤ ਨਹੀਂ ਕੀਤਾ ਜਾ ਸਕਿਆ। ਆਗੂਆਂ ਕਿਹਾ ਕਿ ਸਰਕਾਰ ਮਾਈਕਰੋ ਫਾਈਨਾਂਸ ਕੰਪਨੀਆਂ ਵਲੋਂ ਕਰਜ਼ਾਧਾਰਕਾ ਤੋਂ ਲਏ ਗਏ ਕੋਰੋ ਚੈਕਾ ਅਤੇ ਅਸ਼ਟਾਮਾ ਬਾਬਤ ਕਨੂੰਨੀ ਕਾਰਵਾਈ ਕੀਤੀ ਜਾਵੇ, ਕੰਪਨੀਆਂ ਦੇ ਪੈਸੇ ਅਤੇ ਰੋਲ ਵੀ ਦੀ ਸਰਕਾਰ ਜਾਂਚ ਕਰਵਾਏ। ਸਰਕਾਰ ਕੰਪਨੀਆਂ ਦੀ ਧਕੇਸਾਹੀ ਨੂੰ ਸਖ਼ਤੀ ਨਾਲ ਰੋਕਿਆ ਜਾਵੇ।ਇਹ ਵੀ ਐਲਾਨ ਕੀਤਾ ਗਿਆ ਕਿ ਲਿਬਰੇਸ਼ਨ 2 ਜਨਵਰੀ ਨੂੰ ਡਿਪਟੀ ਕਮਿਸ਼ਨਰ ਪਠਾਨਕੋਟ ਅਤੇ 8 ਜਨਵਰੀ ਨੂੰ ਤਰਨਤਾਰਨ ਡਿਪਟੀ ਕਮਿਸ਼ਨਰ ਦਫ਼ਤਰ ਵਿਖੇ ਰੈਲੀਆਂ ਕੀਤੀਆਂ ਜਾਣਗੀਆਂ।ਇਸ ਸਮੇਂਕੁਲਦੀਪ ਰਾਜੂ, ਗੁਰਪਿੰਦਰ ਕੌਰ, ਬਲਵਿੰਦਰ ਕੌਰ ਗਿੱਲ,ਬਲਜੀਤ ਕੌਰ, ਨਿਰਮਲ ਕੌਰ , ਜਸਬੀਰ ਕੌਰ ਅਤੇ ਡਿਪਟੀ ਸਿੰਘ ਹਾਜ਼ਰ ਸਨ।
ਕਾਮਰੇਡ ਗੁਰਮੀਤ ਸਿੰਘ ਬਖਤਪੁਰਾ ਜਾਣਕਾਰੀ ਦਿੰਦੇ ਹੋਏ
