ਮਾਨਸਾ, ਗੁਰਦਾਸਪੁਰ, 12 ਅਕਤੂਬਰ (ਸਰਬਜੀਤ ਸਿੰਘ)– ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਵਲੋਂ ਹਜ਼ਾਰਾਂ ਕਿਸਾਨਾਂ ਤੇ ਔਰਤਾਂ ਨੇ ਮੰਤਰੀਆਂ ਤੇ ਵਿਧਾਇਕਾਂ ਦੇ ਘਰਾਂ ਅੱਗੇ ਪੰਜਾਬ ਚੋਂ ਨਸ਼ੇ ਰੁਕਵਾਉਣ ਲਈ ਜੋਰਦਾਰ ਰੋਸ ਪ੍ਰਦਰਸ਼ਨ ਕੀਤੇ ਗਏ। ਜਵਾਨੀ ਦੀ ਬਰਬਾਦੀ ਤੇ ਆਰਥਿਕ ਕੰਗਾਲੀ ਦਾ ਕਾਰਨ ਬਣ ਰਹੇ ਚਿੱਟੇ ਤੇ ਹੋਰ ਨਸ਼ਿਆਂ ਦੀ ਪੈਦਾਵਾਰ, ਵਪਾਰ ਤੇ ਵੰਡ ਵੰਡਾਈ ਬੰਦ ਕਰਾਉਣ ਅਤੇ ਆਪ ਸਰਕਾਰ ਵਲੋਂ ਕੀਤੇ ਚੋਣ ਵਾਅਦੇ ਅਨੁਸਾਰ ਨਸ਼ਿਆਂ ਦੀ ਮਹਾਂਮਾਰੀ ਤੁਰੰਤ ਰੋਕਣ ਲਈ ਜੋਰਦਾਰ ਮੰਗ ਕੀਤੀ ਗਈ।
