ਗੁਰਦਾਸਪੁਰ, 26 ਮਈ (ਸਰਬਜੀਤ ਸਿੰਘ)–ਪੰਜਾਬ ਦੇ ਉਪ ਸਕੱਤਰ ਵਿੱਤ ਬਲਜੀਤ ਕੌਰ ਨੇ ਪੱਤਰ ਨੰਬਰ 3/1/2021-ਆਈ.ਐਫ.ਪੀ.ਆਈ/2530 ਮਿਤੀ 24/5/2023 ਨੂੰ ਇੱਕ ਸਰਕੂਲਰ ਜਾਰੀ ਕਰਕੇ ਪੰਜਾਬ ਦੇ ਸਮੂਹ ਡਿਪਟੀ ਕਮਿਸ਼ਨਰਾਂ ਰਾਜਾਂ ਦੇ ਮੁੱਖੀ ਅਤੇ ਸਕੱਤਰ ਪੰਜਾਬ ਵਿਧਾਨਸਭਾ ਨੂੰ ਜਾਰੀ ਕੀਤਾ ਹੈ | ਜਿਸ ਵਿੱਚ ਪੰਜਾਬ ਸਰਕਾਰ ਦੇ ਕਰਮਚਾਰੀਆਂ ਨੂੰ ਮਿਤੀ 1-7-2007 ਤੋਂ ਲੈ ਕੇ ਮਿਤੀ 31-12-2015 ਦੇ 113 ਪ੍ਰਤੀਸ਼ਤ ਤੋਂ 119 ਪ੍ਰਤੀਸ਼ਤ ਮਹਿੰਗਾਈ ਭੱਤੇ ਦੀ ਦਰ ਰਾਜ ਦੇ ਸਮੂਹ ਕਰਮਚਾਰੀਆਂ ਨੂੰ ਦੇਣ ਦੀ ਹਦਾਇਤ ਕੀਤੀ ਹੈ | ਪੱਤਰ ਵਿੱਚ ਦਰਸਾਇਆ ਗਿਆ ਹੈ ਕਿ 6 ਫੀਸਦੀ ਵਧੀ ਹੋਈ ਮਹਿੰਗਾਈ ਦੀ ਕਿਸ਼ਤ ਬਕਾਏ ਦੀ ਅਦਾਇਗੀ ਦੀ ਪ੍ਰਵਾਨਗੀ ਦਿੱਤੀ ਜਾਂਦੀ ਹੈ ਤਾਂ ਜੋ ਕਰਮਚਾਰੀਆਂ ਨੂੰ ਜੁਲਾਈ ਦੇ ਤਨਖਾਹ ਨਾਲ ਬਣਦਾ ਬਕਾਇਆ ਮਿਲ ਸਕੇ |
