ਗੁਰਦਾਸਪੁਰ, 29 ਨਵੰਬਰ (ਸਰਬਜੀਤ ਸਿੰਘ)– ਕਮਿਊਨਟੀ ਹੈਲਥ ਅਫ਼ਸਰ ਐਸੋਸੀਏਸ਼ਨ ਪੰਜਾਬ ਦੇ ਸੂਬਾ ਪ੍ਰਧਾਨ ਅਤੇ ਨੈਸ਼ਨਲ ਹੈਲਥ ਮਿਸ਼ਨ ਯੂਨੀਅਨ ਦੇ ਜਿਲਾ ਪ੍ਰਧਾਨ ਡਾ ਸੁਨੀਲ ਤਰਗੋਤਰਾ ਨੇ ਦੱਸਿਆ ਕਿ ਪਿਛਲੇ ਲਗਭਗ 17 ਸਾਲਾਂ ਤੋਂ ਐਨਐਚਐਮ ਮੁਲਾਜ਼ਮ ਬਹੁਤ ਹੀ ਨਿਗੂਣੀਆਂ ਤਨਖਾਵਾਂ ਉੱਤੇ ਕੰਮ ਕਰ ਰਹੇ ਹਨ । ਸਿਹਤ ਮਹਿਕਮੇ ਦਾ ਲਗਭਗ 70 ਫ਼ੀਸਦੀ ਕੰਮ ਏਨਾ ਮੁਲਾਜ਼ਮਾਂ ਕੋਲੋਂ ਹੀ ਲਿਆ ਜਾਂਦਾ ਹੈ । ਓਹਨਾਂ ਦਸਿਆ ਕਿ ਪੰਜਾਬ ਸਰਕਾਰ ਦੇ ਮਜੂਦਾ ਮੰਤਰੀ ਹਰਪਾਲ ਸਿੰਘ ਚੀਮਾ ਜੀ ਅਤੇ ਮੀਤ ਹੇਅਰ ਜੀ ਵਲੋਂ ਸਾਡੀਆਂ ਕਾਂਗਰਸ ਸਰਕਾਰ ਵੇਲੇ ਕਢਿਆਂ ਰੈਲੀਆਂ ਵਿੱਚ ਪਹੁੰਚ ਕੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਦੇ ਸਾਰ ਹੀ ਐਨਐਚਐਮ ਮੁਲਾਜ਼ਮਾਂ ਨੂੰ ਬਿਨਾ ਕਿਸੇ ਸ਼ਰਤ ਪੱਕੇ ਕਰਨ ਦੇ ਵਾਅਦੇ ਕੀਤੇ ਗਏ ਸੀ । ਜਿਸਦੇ ਫ਼ਲਸਵਰੂਪ ਲਗਭਗ 9000 ਐੱਨਐੱਚਐੱਮ ਮੁਲਾਜ਼ਮਾਂ ਨੇ ਖੁੱਲ ਕੇ ਆਮ ਆਦਮੀ ਪਾਰਟੀ ਦਾ ਸਮਰਥਨ ਕੀਤਾ, ਪਰ ਅੱਜ ਸਰਕਾਰ ਦੇ ਲਗਭਗ 4 ਸਾਲ ਬੀਤ ਜਾਣ ਉਪਰੰਤ ਵੀ ਸਰਕਾਰ ਨੇ ਆਪਣੇ ਵਾਅਦੇ ਪੂਰੇ ਨਹੀਂ ਕੀਤੇ ਤੇ ਪਿਛਲੇ ਚਾਰ ਸਾਲ ਵਿੱਚ ਸਰਕਾਰ ਨਾਲ ਹੋਈਆਂ ਅਨੇਕਾਂ ਮੀਟਿੰਗਾਂ ਵਿੱਚ ਬੱਸ ਲਾਰੇ ਹੀ ਲਾਏ ਹਨ । ਹੱਦ ਤੇ ਹੁਣ ਹੋ ਗਈ ਹੈ ਜਦੋਂ ਸਰਕਾਰ ਨੇ ਇਹਨਾਂ ਮੁਲਾਜ਼ਮਾਂ ਦੀ ਪਿਛਲੇ 2 ਮਹੀਨਿਆਂ ਦੀ ਤਨਖਾਵਾਂ ਵੀ ਨਹੀਂ ਦਿੱਤੀਆਂ । ਇਹ ਐਨਐਚਐਮ ਮੁਲਾਜ਼ਮਾਂ ਨਾਲ ਇੱਕ ਕੋਜ਼ਾ ਮਜ਼ਾਕ ਹੈ ਐੱਨਐੱਚਐੱਮ ਮੁਲਾਜ਼ਮਾਂ ਦਿਆਂ ਤਨਖਾਵਾਂ ਘੱਟ ਹੋਣ ਕਾਰਨ ਪਹਿਲਾਂ ਹੀ ਓਹਨਾਂ ਦਾ ਗੁਜ਼ਾਰਾ ਬਹੁਤ ਮੁਸ਼ਕਿਲ
ਸੋਚਣ ਵਾਲੀ ਗੱਲ ਹੈ ਕਿ ਡਿਊਟੀਆਂ ਤੇ ਜਾਣ ਲਈ ਇਹ ਮੁਲਾਜ਼ਮ ਕਿੱਥੋ ਪੈਟ੍ਰੋਲ ਪਵਾਉਣ, ਕਿੱਥੋ ਖਰਚੇ ਕਰਨ, ਬੱਚਿਆਂ ਦੀਆਂ ਫੀਸਾਂ ਅਤੇ ਕਿਸ਼ਤਾਂ ਕਿੱਥੋਂ ਭਰਨ, ਘਰ ਦਾ ਖ਼ਰਚਾ ਕਿੱਦਾਂ ਚਲਾਉਣ ?? ਅਸੀ ਬੜੀ ਇਮਾਨਦਾਰੀ ਅਤੇ ਮਿਹਨਤ ਨਾਲ ਕੰਮ ਕਰਦੇ ਹਾਂ ਪਰ ਅਫਸੋਸ ਸਰਕਾਰ/ਵਿਭਾਗ ਸਾਨੂੰ ਵੀ ਹੁਣ ਢੀਠ ਬਣਾਉਣ ਤੇ ਆ ਗਏ ਹਨ ।। ਸੋ ਪੰਜਾਬ ਦੇ ਸਮੂਹ ਐਨਐਚਐਮ ਮੁਲਾਜ਼ਮਾਂ ਨੇ ਮਜ਼ਬੂਰ ਹੋ ਕੇ ਇਹ ਫ਼ੈਸਲਾ ਲਿਆ ਹੈ ਕਿ ਜੇਕਰ ਸਾਡੀ ਅਕਤੂਬਰ ਮਹੀਨੇ ਦੀ ਤਨਖਾਹ ਅਤੇ ਇੰਸੈਂਟਿਵ 30 ਨਵੰਬਰ ਸ਼ਾਮ ਤੱਕ ਨਹੀਂ ਮਿਲਦੀ ਤੇ ਅਸੀਂ ਹਰ ਕਿਸਮ ਆਨਲਾਈਨ/ਆਫਲਾਈਨ ਕੰਮ ਬੰਦ ਕਰਨ ਲਈ ਮਜਬੂਰ ਹੋਵਾਂਗੇ ਅਤੇ 1 ਦਸੰਬਰ 2025 ਨੂੰ ਸਿਵਿਲ ਸਰਜਨ ਦਫ਼ਤਰ ਗੁਰਦਾਸਪੁਰ ਇਕੱਠੇ ਹੋ ਕੇ ਸਰਕਾਰ ਦਾ ਪਿੱਟ ਸਿਆਪਾ ਕਰਾਂਗੇ ਅਤੇ ਪੁਤਲਾ ਫੂਕਾਂਗੇ । ਇਸਦੇ ਨਾਲ ਹੀ ਇਹ ਕੰਮ ਓਹਨੇ ਦਿਨ ਠੱਪ ਰਹੇਗਾ ਜਿੰਨਾ ਸਮਾਂ ਸਾਡੀ ਅਕਤੂਬਰ ਮਹੀਨੇ ਦੀ ਤਨਖ਼ਾਹ ਅਤੇ ਇੰਸੈਂਟਿਵ ਨਹੀਂ ਮਿਲਦੇ ।ਭਵਿੱਖ ਵਿੱਚ ਵੀ ਤਨਖਾਹਾਂ ਸਮੇਂ ਉੱਤੇ ਨਾਂ ਮਿਲਣ ਦੀ ਸੂਰਤ ਵਿੱਚ ਅਸੀਂ ਆਪਣੇ ਹੱਕਾਂ ਲਈ ਸੰਘਰਸ਼ ਕਰਨ ਤੋਂ ਗੁਰਹੇਜ਼ ਨਹੀਂ ਕਰਾਂਗੇ । ਇਸ ਨਾਲ ਆਮ ਲੋਕਾਂ ਨੂੰ ਹੋਣ ਵਾਲੀ ਪ੍ਰੇਸ਼ਾਨੀ ਅਤੇ ਸਿਹਤ ਸਹੂਲਤਾਂ ਠੱਪ ਹੋਣ ਦੀ ਨਿਰੋਲ ਜਿੰਮੇਵਾਰੀ ਵਿਭਾਗ ਅਤੇ ਸਰਕਾਰ ਦੀ ਹੋਵੇਗੀ ।ਇਸ ਮੌਕੇ ਉਹਨਾਂ ਨਾਲ ਐਨਐਚਐਮ ਦੇ ਜਿਲਾ ਮੀਤ ਪ੍ਰਧਾਨ ਡਾ ਵਿਕਰਮ ਸੂਰੀ,ਗੁਰਪ੍ਰੀਤ ਸਿੰਘ ਜਨਰਲ ਸਕੱਤਰ ਡਾ ਰਵਿੰਦਰ ਸਿੰਘ,ਅਮਨਦੀਪ ਸਿੰਘ,ਦਾ ਗਗਨ,ਖਜ਼ਾਨਚੀ ਮੈਡਮ ਪ੍
