ਗੁਰਦਾਸਪੁਰ, 16 ਜੁਲਾਈ (ਸਰਬਜੀਤ)- ਥਾਣਾ ਸਦਰ ਦੀ ਪੁਲਸ ਨੇ 50 ਗ੍ਰਾਮ ਹੈਰੋਇਨ ਸਮੇਤ 2 ਦੋਸ਼ੀਆਂ ਨੂੰ ਕਾਬੂ ਕਰਕੇ ਮਾਮਲਾ ਦਰਜ ਕੀਤਾ ਹੈ।
ਐਸ.ਆਈ ਰਛਪਾਲ ਸਿੰਘ ਇੰਚਾਰਜ ਨਾਕਾ ਬੱਬਰੀ ਬਾਈਪਾਸ ਸਮੇਤ ਪੁਲਿਸ ਪਾਰਟੀ ਨਾਕਾ ਬੱਬਰੀ ਬਾਈਪਾਸ ਵਿਖੇ ਨਾਕਾਬੰਦੀ ਕਰਕੇ ਰੋਜਾਨਾ ਦੀ ਤਰਾਂ ਆਉਣ ਜਾਣ ਵਾਲੀਆ ਗੱਡੀਆਂ ਦੀ ਚੈਕਿੰਗ ਕਰ ਰਹੇ ਸੀ ਕਿ ਬਟਾਲਾ ਸਾਇਡ ਵਲੋਂ ਇੱਕ ਨੰਬਰੀ ਫਭ06-ਅਗ਼-6203 ਮਾਰਕਾ ਇਨੋਵਾ ਰੰਗ ਚਿੱਟਾ ਆਈ ਜਿਸ ਨੂੰ ਸ਼ੱਕ ਦੀ ਬਨਾਹ ਪਰ ਰੋਕ ਕੇ ਕਾਰ ਦੀ ਤਲਾਸੀ ਕੀਤੀ। ਦੋਰਾਂਨੇ ਤਲਾਸੀ ਕਾਰ ਦੇ ਡੈਸ ਬੋਰਡ ਵਿਚੋ ਦੋ ਚਿੱਟੇ ਰੰਗ ਦੇ ਮੋਮੀ ਲਿਫਾਫਿਆ ਵਿੱਚ ਨਸ਼ੀਲਾ ਪਦਾਰਥ ਦਾ ਸ਼ੱਕ ਹੋਣ ਤੇ ਥਾਣਾ ਸਦਰ ਗੁਰਦਾਸਪੁਰ ਵਿਖੇ ਇਤਲਾਹ ਦਿੱਤ॥ ਜਿਸਤੇ ਤਫਤੀਸੀ ਅਫਸਰ ਨੇ ਸਮੇਤ ਪੁਲਿਸ ਪਾਰਟੀ ਮੋਕਾ ਪਰ ਪੁੱਜ ਕੇ ਕਾਬੂ ਕੀਤੇ ਦੋਸੀਆਂ ਦੀ ਗੱਡੀ ਦੇ ਡੈਸ ਬੋਰਡ ਵਿਚੋ ਬ੍ਰਾਮਦ ਮੋਮੀ ਲ਼ਿਫਾਫਿਆ ਨੂੰ ਚੈਕ ਕੀਤਾ ਜਿਨਾਂ ਵਿਚੋ 50 ਗ੍ਰਾਮ ਹੈਰੋਇਨ ਬ੍ਰਾਮਦ ਹੋਈ ਹੈ। ਫੜੇ ਗਏ ਦੋਸ਼ੀਆਂ ਦੀ ਪਹਿਚਾਣ ਰਮਜਾਨ ਮਸੀਹ ਉਰਫ ਚੀਨੀ ਪੁੱਤਰ ਨਾਜਰ ਮਸੀਹ ਅਤੇ ਸ਼ਰਨਜੀਤ ਸਿੰਘ ਪੁੱਤਰ ਦਲਜੀਤ ਸਿੰਘ ਵਾਸੀਆਂਨ ਬਰਿਆਰ ਦੇ ਰੂਪ ਵਿੱਚ ਹੋਈ ਹੈ।
