ਗੁਰਦਾਸਪੁਰ, 8 ਜੁਲਾਈ (ਸਰਬਜੀਤ)–ਪੁਰਾਣੀ ਰੰਜਿਸ਼ ਦੇ ਚੱਲਦਿਆ ਥਾਣਾ ਸਦਰ ਦੀ ਪੁਲਸ ਨੇ ਗੋਲੀ ਮਾਰ ਕੇ ਬਿਜਲੀ ਬੋਰਡ ਵਿੱਚ ਤੈਨਾਤ ਜੇ.ਈ ਨੂੰ ਜਖਮੀ ਕਰਨ ਦੇ ਮਾਮਲੇ ਵਿੱਚ 12 ਹਮਲਾਵਰਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਬਲਜੀਤ ਸਿੰਘ ਪੁੱਤਰ ਰਤਨ ਸਿੰਘ ਵਾਸੀ ਨਰਪੁਰ ਨੇ ਦੱਸਿਆ ਕਿ ਉਹ ਮਹਿਕਮਾ ਬਿਜਲੀ ਬੋਰਡ ਵਿੱਚ ਜੋੜਾ ਛੱਤਰਾਂ ਵਿਖੇ ਬਤੌਰ ਜੇ.ਈ ਲੱਗਾ ਹੋਇਆ ਹੈ। ਉਸਦੇ ਚਾਚੇ ਦਾ ਪੁੱਤਰ ਸੱਤਪਾਲ ਸਿੰਘ ਜੋ ਉਸਦੇ ਨਾਲ ਹੀ ਜੋੜਾ ਛੱਤਰਾ ਵਿਖੇ ਬਤੌਰ ਜੇ.ਈ ਲੱਗਾ ਹੋਇਆ ਹੈ।7 ਜੁਲਾਈ ਨੂੰ ਆਪਣੇ-ਆਪਣੇ ਮੋਟਰਸਾਇਕਲਾ ਤੇ ਸਵਾਰ ਹੋ ਕੇ ਆਪਣੇ ਪਿੰਡ ਨਰਪੁਰ ਨੂੰ ਜਾ ਰਹੇ ਸੀ। ਜਦੋਂ ਉਹ ਆਪਣੇ ਪਿੰਡ ਤੋਂ ਪਿੱਛੇ ਸੀ ਕਿ ਉੱਕਤ ਦੋ ਕਾਰਾਂ ’ਤੇ ਸਵਾਰ ਹੋ ਕੇ ਮਨਜੀਤ ਸਿੰਘ ਪੁੱਤਰ ਰਣਜੀਤ ਸਿੰਘ, ਹਰਜਿੰਦਰ ਸਿੰਘ ਪੁੱਤਰ ਮਲੂਕ ਸਿੰਘ ਵਾਸੀਆਂਨ ਰੰਗੜ ਨੰਗਲ ਬਟਾਲਾ,ਹਰਿੰਦਰ ਸਿੰਘ ਪੁੱਤਰ ਸੁਰਜੀਤ ਸਿੰਘ,ਗੋਪੀ ਵਾਸੀਆਂਨ ਲੱਧਾ ਮੁੰਡਾ, ਹਰਪ੍ਰੀਤ ਸਿੰਘ ਪੁੱਤਰ ਰਣਜੀਤ ਸਿੰਘ ਵਾਸੀ ਜਾਤਪੁਰ ਸੇਖਵਾਂ, ਰਾਜਕਰਨ ਸਿੰਘ ਪੁੱਤਰ ਰਣਜੀਤ ਸਿੰਘ ਵਾਸੀ ਉਧੋਨੰਗਲ ਥਾਣਾ ਮਹਿਤਾ, ਸੁਰਜੀਤ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਭਰਥ ਥਾਣਾ ਸ੍ਰੀ ਹਰਗੋਬਿੰਦਪੁਰ, ਲਖਵਿੰਦਰ, ਜੱਗਾ ਪੁੱਤਰਾਂਨ ਅਜੀਤ ਸਿੰਘ ਵਾਸੀਆਂਨ ਵਰਸੋਲਾ ਅਤੇ ਤਿੰਨਅਣਪਛਾਤੇ ਵਿਅਕਤੀ ਆਏ ਜਿਨਾਂ ਹੱਥ ਵਿੱਚ ਦਸਤੀ ਹਥਿਆਰ ਸਨ। ਜਿਨਾਂ ਵਿਚੋ ਦੋਸੀ ਹਰਿੰਦਰ ਸਿੰਘ ਨੇ ਆਪਣੀ ਦਸਤੀ ਰਿਵਾਲਵਰ ਨਾਲ ਉਸਨੂੰ ਅਤੇ ਉਸਦੇ ਚਾਚੇ ਦੇ ਲੜਕੇ ਸਤਪਾਲ ਸਿੰਘ ਨੂੰ ਮਾਰ ਦੇਣ ਦੀ ਨੀਅਤ ਨਾਲ ਫਾਇਰ ਕੀਤੇ ਤਾਂ ਉਹ ਹੇਠਾਂ ਸੜਕ ਦੇ ਕੰਢੇ ਖੇਤ ਵਿੱਚ ਡਿੱਗ ਪਿਆ ਅਤੇ ਫਾਇਰ ਸੱਤਪਾਲ ਸਿੰਘ ਦੇ ਇੱਕ ਗੋਲੀ ਛਾਤੀ ਦੀ ਸੱਜੀ ਸਾਈਡ ਵਿੱਚ ਲੱਗੀ ਅਤੇ ਦੂਜੀ ਗੋਲੀ ਸੱਜੀ ਬਾਂਹ ਦੇ ਡੋਲੇ ਵਿੱਚ ਲੱਗੀ ਹੈ ਜੋ ਇੱਕ ਨਿਜੀ ਹਸਪਤਾਲ ਵਿੱਚ ਜੇਰੇ ਇਲਾਜ ਹੈ। ਵਜਾ ਰੰਜਿਸ਼ ਇਹ ਹੈ ਕਿ ਉਸਦੇ ਲੜਕੇ ਸੰਦੀਪ ਸਿੰਘ ਦਾ ਦੋਸ਼ੀ ਲਖਵਿੰਦਰ ਸਿੰਘ ਵਗੈਰਾ ਨਾਲ ਝਗੜਾ ਹੋਇਆ ਸੀ।
ਉਧਰ ਸਹਾਇਕ ਸਬ ਇੰਸਪੈਕਟਰ ਹਰਮਿੰਦਰ ਸਿੰਘ ਨੇ ਦੱਸਿਆ ਕਿ ਹਮਲਾਵਰ ਅਜੇ ਪੁਲਸ ਦੀ ਗਿ੍ਰਫਤ ਤੋਂ ਬਾਹਰ ਹੈ।ਜਿਨਾਂ ਦੀ ਗਿ੍ਰਫਤਾਰੀ ਲਈ ਕਾਰਵਾਈ ਕੀਤੀ ਜਾ ਰਹੀ ਹੈ।
