ਗੁਰਦਾਸਪੁਰ, 4 ਮਾਰਚ (ਸਰਬਜੀਤ ਸਿੰਘ)– ਕਿਸਾਨ ਆਗੂਆਂ ਦੀ 5 ਮਾਰਚ ਨੂੰ ਇੱਕ ਹੋਰ ਮੋਰਚਾ ਲਾਉਣ ਦੀ ਕਾਲ ਤੋਂ ਪਹਿਲਾਂ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਉਨ੍ਹਾਂ ਨਾਲ ਚੰਡੀਗੜ੍ਹ’ਚ ਮੀਟਿੰਗ ਕੀਤੀ, ਕਿਸਾਨੀ ਸੂਤਰਾਂ ਮੁਤਾਬਕ ਸਾਰੀਆਂ ਕਿਸਾਨੀ ਮੰਗਾਂ ਤੇ ਵਧੀਆਂ ਵਿਚਾਰਾਂ ਚੱਲ ਰਹੀਆਂ ਸਨ ਅਤੇ ਅਚਾਨਕ ਮੁੱਖ ਮੰਤਰੀ ਇਸ ਗੱਲ ਤੋਂ ਤਲਖ਼ੀ ਵਿੱਚ ਆ ਗਏ ਕਿ ਨਿੱਤ ਦਿਨ ਰੇਲਾਂ ਸੜਕਾਂ ਜਾਮ ਕਰਕੇ ਲੋਕਾਂ ਨੂੰ ਪ੍ਰੇਸ਼ਾਨ ਕਰਨਾ ਤੁਹਾਡੇ ਵਾਸਤੇ ਚੰਗੀ ਗੱਲ ਨਹੀਂ ਅਤੇ ਅੱਗਿਓਂ ਜਵਾਬ’ਚ ਕਿਸਾਨਾਂ ਨੇ ਕਿਹਾ ਤੁਸੀਂ ਸਾਡੇ ਨਾਲ ਰੋਜ਼ਾਨਾ ਮੀਟਿੰਗਾਂ ਕਰੋਂ ਨਹੀਂ ਤਾਂ ਅਸੀਂ ਮੋਰਚਾ ਲਾਵਾਂਗੇ,ਬੱਸ ਫਿਰ ਕੀ,ਮੁੱਖ ਮੰਤਰੀ ਸਾਹਿਬ ਆ ਗਏ ਗੁੱਸੇ’ਚ ਕਹਿੰਦੇ ,ਜਾਓ ਲਾ ਲਓ ਮੋਰਚਾ ਦੇਖ ਲਵਾਂਗੇ ਤੇ ਉੱਠ ਕੇ ਬਾਹਰ ਆ ਗਏ, ਹੁਣ ਇਸ ਬੇ ਸਿੱਟਾ ਰਹੀ ਮੀਟਿੰਗ ਤੋਂ ਬਾਅਦ ਪੰਜਾਬ ਪੁਲਿਸ ਵੱਲੋਂ ਰਾਜੇਵਾਲ ਤੇ ਹੋਰ ਕਿਸਾਨ ਆਗੂਆਂ ਦੀ ਫੜੋ ਫੜਾਈ ਤੇ ਘਰ’ਚ ਨਜ਼ਰ ਬੰਦ ਕਰਨੀ ਸ਼ੁਰੂ ਕਰ ਦਿੱਤੀ ਗਈ ਹੈ,ਇਹ ਸਰਕਾਰ ਦੀ ਸੰਵਿਧਾਨ ਤੇ ਡੈਮੋਕਰੇਸੀ ਵਿਰੋਧੀ ਨਿੰਦਣਯੋਗ ਨੀਤੀ ਹੈ, ਕਿਉਂਕਿ ਸਰਕਾਰ ਵਿਰੋਧੀ ਸ਼ਾਂਤਮਈ ਢੰਗ ਨਾਲ ਪਰੋਟੈਸਟ ਕਰਨਾ ਸੰਵਿਧਾਨ ਤੇ ਡੈਮੋਕਰੇਸੀ ਹੱਕ ਹੈ,ਜਦੋਂ ਕਿ ਕਾਂਗਰਸ ਤੇ ਕੁੱਝ ਹੋਰ ਸਰਕਾਰ ਵਿਰੋਧੀ ਨੇਤਾ ਸੁਖਪਾਲ ਸਿੰਘ ਖਹਿਰਾ ਆਦਿ ਵੱਲੋਂ ਕਿਸਾਨੀ ਮੰਗਾਂ ਦੇ ਮੁੱਦੇ ਤੇ ਹਾਸੋਹੀਣੀ ਤੇ ਮੌਕਾ ਪ੍ਰਸਤੀ ਵਾਲੀ ਨੀਤੀ ਖੇਡੀ ਜਾ ਰਹੀ ਹੈ ਜੋ ਲੋਕ ਵਿਰੋਧੀ ਨਿੰਦਣਯੋਗ ਨੀਤੀ ਹੈ, ਬਾਕੀ ਇਕਾ ਦੁੱਕਾ ਨੂੰ ਛੱਡ ਕੇ ਸਾਰੀਆਂ ਸਿਆਸੀ ਪਾਰਟੀਆਂ ਚੁੱਪ ਹਨ ਅਤੇ ਕਾਂਗਰਸ ਉਨ੍ਹਾਂ ਦੀ ਚੁੱਪੀ ਨੂੰ ਕੋਸ ਰਹੀ ਹੈ,ਇਸ ਕਰਕੇ ਆਲ ਇੰਡੀਆਂ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਖਾਲਸਾ ਜਿਥੇ ਸਰਕਾਰ ਨੂੰ ਬੇਨਤੀ ਕਰਦੀ ਹੈ ਕਿ ਕਿਸਾਨਾਂ ਦੀਆਂ ਸਾਰੀਆਂ ਜਾਇਜ਼ ਮੰਗਾਂ ਪ੍ਰਵਾਨ ਕਰਨ ਦੀ ਲੋੜ ਤੇ ਜ਼ੋਰ ਦਿੱਤਾ ਜਾਵੇ, ਉਥੇ ਕਿਸਾਨਾਂ ਨੂੰ ਗੁਰਬਾਣੀ ਮੁਤਾਬਿਕ ( ਇਹ ਜਗਿ ਹਰਿ ਕਾ ਰੂਪ ਹੈ ।। ਹਰਿ ਰੂਪ ਨਦਰੀਂ ਆਇਆ ਅਨੁਸਾਰ ਰੱਬ ਰੂਪੀ ਦੁਨੀਆਂ ਨੂੰ ਰੇਲਾਂ ਸੜਕਾਂ ਰੋਕ ਪ੍ਰੇਸ਼ਾਨ ਕਰਨ ਵਾਲੀ ਆਮ ਲੋਕ ਵਿਰੋਧੀ ਨੀਤੀ ਛੱਡ ਕੇ ਸਬੰਧਤ ਲੀਡਰਾਂ ਅਫਸਰਾਂ ਦੀਆਂ ਕੋਠੀਆਂ ਤੇ ਧਰਨੇ ਦੇਣ ਦੀ ਬੇਨਤੀ ਕਰਦੀ ਹੈ ਦੇ ਨਾਲ ਨਾਲ ਕਿਸਾਨੀ ਮੰਗਾਂ ਮਸਲਿਆਂ ਤੇ ਗੰਦੀ ਸਿਆਸਤ ਕਰਨ ਵਾਲਿਆਂ ਨੂੰ ਬੇਨਤੀ ਕਰਦੀ ਹੈ ਕਿ ਭਰਾਵੋ ਆਪਣੀ ਮੌਕਾਪ੍ਰਸਤੀ ਤੇ ਆਪ ਹੁੱਦਰੀ ਵਾਲੀ ਰਾਜਨੀਤੀ ਨੂੰ ਤਿਆਗ ਕੇ ਪੰਜਾਬ ਦੇ ਹਰ ਵਰਗ ਦੇ ਲੋਕਾਂ ਦੇ ਭਲੇ ਦੀ ਗੱਲ ਕਰਨ ਦੀ ਲੋੜ ਤੇ ਜ਼ੋਰ ਦਿਆ ਕਰੋ ਕਿਉਂਕਿ ਸਰਬੱਤ ਦਾ ਭਲਾ ਮੰਗਣਾ ਤੇ ਕਰਨਾ ਗੁਰੂ ਸਾਹਿਬਾਨਾ਼ ਦਾ ਉਪਦੇਸ਼ ਹੈ ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਖਾਲਸਾ ਦੇ ਕੌਮੀ ਪ੍ਰਧਾਨ ਭਾਈ ਵਿਰਸਾ ਸਿੰਘ ਖਾਲਸਾ ਨੇ ਚੰਡੀਗੜ੍ਹ’ਚ ਕਿਸਾਨਾਂ ਨਾਲ਼ ਮੁੱਖ ਮੰਤਰੀ ਦੀ ਚੱਲ ਰਹੀ ਮੀਟਿੰਗ ਵਿਚ ਤਲਖੀ ਨਾਲ ਬਾਹਰ ਆਉਣ ਦੀ ਕਾਰਵਾਈ ਨੂੰ ਮੁੱਖ ਰੱਖਦਿਆਂ ਇੱਕ ਲਿਖਤੀ ਪ੍ਰੈਸ ਬਿਆਨ ਰਾਹੀਂ ਕੀਤਾ, ਭਾਈ ਖਾਲਸਾ ਨੇ ਦੱਸਿਆ ਕਿਸਾਨੀ ਮੁੱਦੇ ਸਰਕਾਰ ਦੀ ਗਲੇ ਦੀ ਹੱਡੀ ਬਣ ਚੁੱਕੇ ਹਨ, ਜਦੋਂ ਕਿ ਕਿਸਾਨਾਂ ਵੱਲੋ ਆਪਣੀਆਂ ਮੰਗਾਂ ਨੂੰ ਮਨਵਾਉਣ ਖਾਤਰ ਨਿੱਤ ਦਿਨ ਮੋਰਚੇ ,ਧਰਨੇ ਤੇ ਰੋਸ ਪ੍ਰਦਰਸ਼ਨਾਂ ਰਾਹੀਂ ਰੇਲਾਂ ਸੜਕਾਂ ਰੋਕ ਕੇ ਆਮ ਕਾਰੋਬਾਰੀ, ਨੌਕਰੀਪੇਸ਼ਾ ਤੇ ਆਮ ਮਜ਼ਦੂਰਾਂ ਨੂੰ ਪ੍ਰੇਸ਼ਾਨ ਕਰਨਾ ਵੀ ਇੱਕ ਪੰਜਾਬ’ਚ ਇੱਕ ਵੱਡਾ ਮਸਲਾ ਮੁੱਦਾ ਬਣ ਗਿਆ ਹੈ ਇਸੇ ਹੀ ਕਰਕੇ ਮੁੱਖ ਮੰਤਰੀ ਨੇ ਮੀਟਿੰਗ ਦਾ ਬਾਈਕਾਟ ਕੀਤਾ,ਭਾਈ ਖਾਲਸਾ ਨੇ ਸਪੱਸ਼ਟ ਕੀਤਾ ਇਹ ਗੱਲ ਕਿਸੇ ਤੋਂ ਲੁੱਕੀ ਛੁੱਪੀ ਨਹੀਂ? ਕਿ ਕਾਂਗਰਸ ਕਿਸਾਨੀ ਮੰਗਾਂ ਮਸਲਿਆਂ ਨੂੰ ਲੈਕੇ ਸਾਰੇ ਪਵਾੜੇ ਦੀ ਜੜ੍ਹ ਹੈ ਕਿਉਂਕਿ ਜਦੋਂ ਕਾਂਗਰਸ ਨੇ 50 ਸਾਲ ਰਾਜ ਕੀਤਾ ਤੇ ਇੰਨਾ ਨੇ ਕਿਸਾਨੀ ਮਸਲਿਆਂ ਦਾ ਹੱਲ ਕਿਉਂ ਨਾ ਕੀਤਾ ? ਭਾਈ ਖਾਲਸਾ ਨੇ ਸਪੱਸ਼ਟ ਕੀਤਾ ਕਾਂਗਰਸ ਕੇਂਦਰ ਤੇ ਪੰਜਾਬ ਤੋਂ ਦੀ ਸਤਾ ਤੋਂ ਦੂਰ ਹੋਣ ਕਰਕੇ ਭਾਰਤੀ ਜਨਤਾ ਪਾਰਟੀ ਦੀ ਮੋਦੀ ਸਰਕਾਰ ਨੂੰ ਜਰ ਨਹੀਂ ਰਹੀ ਅਤੇ ਸਤਾ ਦੀ ਭੁੱਖ ਖਾਤਰ ਕਿਸਾਨਾਂ ਦੀ ਹਮਦਰਦ ਬਣ ਕੇ ਕਿਸਾਨੀ ਮਸਲਿਆਂ ਤੇ ਮੌਕਾ ਪ੍ਰਸਤੀ ਵਾਲੀ ਨੀਤੀ ਖੇਡ ਰਹੇ ਹੈਂ ,ਜੋ ਅਤਿ ਨਿੰਦਣਯੋਗ ਹੈ, ਭਾਈ ਖਾਲਸਾ ਨੇ ਕਿਹਾ ਸਾਡੀ ਜਥੇਬੰਦੀ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਖਾਲਸਾ ਕਿਸਾਨਾਂ ਦੀਆਂ ਜਾਇਜ਼ ਮੰਗਾਂ ਦੇ ਪੂਰੀ ਤਰ੍ਹਾਂ ਹੱਕ ਵਿੱਚ ਅਤੇ ਕੇਂਦਰ ਸਰਕਾਰ ਨੂੰ ਬੇਨਤੀ ਕਰਦੀ ਹੈ ਕਿ ਇਸ ਨੂੰ ਮਿਲ ਬੈਠ ਕੇ ਹੱਲ ਕੀਤਾ ਜਾਵੇ, ਭਾਈ ਖਾਲਸਾ ਨੇ ਕਿਹਾ ਫੈਡਰੇਸ਼ਨ ਖਾਲਸਾ ਰੇਲਾਂ ਸੜਕਾਂ ਰੋਕ ਕੇ ਆਮ ਜਨਤਾ ਨੂੰ ਪ੍ਰੇਸ਼ਾਨ ਕਰਨ ਦੇ ਸਖ਼ਤ ਵਿਰੋਧੀ ਹੈ ਕਿਉਂਕਿ ਲੱਖਾਂ ਦੀਆਂ ਆਤਮਾਵਾਂ ਨੂੰ ਦੁਖ ਦੇ ਕੇ ਆਪਣੇ ਨਿੱਜੀ ਮਸਲੇ ਦਾ ਸੋਚਣਾ ਕੁਦਰਤ ਤੇ ਕਾਨੂੰਨ ਵਿਰੋਧੀ ਹੈ ਅਤੇ ਇਸੇ ਕਰਕੇ ਕਿਸਾਨਾਂ ਨੂੰ ਬੇਨਤੀ ਕਰਦੀ ਹੈ ਕਿ ਮੰਗਾਂ ਮਨਾਉਣ ਵਾਸਤੇ ਕੋਈ ਸਾਰਥਕ ਢੰਗ ਤਰੀਕ਼ਾ ਕੱਢਿਆ ਜਾਵੇ, ਜਿਸ ਨਾਲ ਕਿਸੇ ਇੱਕ ਵਿਅਕਤੀ ਨੂੰ ਵੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ, ਕਿਉਂਕਿ ਬੀਤੇ ਸਮੇਂ’ਚ ਆਮ ਲੋਕਾਂ ਦੇ ਨਾਲ ਪੁਲਿਸ ਸੀ ਆਰ ਪੀ, ਆਰਮੀ ਤੇ ਹੋਰ ਵੱਡੇ ਲੋਕਾਂ ਨੂੰ ਵੀ ਕਿਸਾਨਾਂ ਨਾਲ ਟਕਰਾਓ ਕਰਦਿਆਂ ਵੇਖਿਆ ਗਿਆ, ਭਾਈ ਖਾਲਸਾ ਨੇ ਕਿਹਾ ਸਾਡੀ ਜਥੇਬੰਦੀ ਕਿਸਾਨੀ ਮੁਦਿਆਂ ਤੇ ਕਾਂਗਰਸ ਵੱਲੋਂ ਖੇਡੀ ਜਾ ਨਿੰਦਣਯੋਗ ਨੀਤੀ ਦੀ ਵਿਰੋਧੀ ਹੈ ਕਿਉਂਕਿ ਜਦੋਂ 50 ਸਾਲ ਰਾਜ ਕੀਤਾ ਉਦੋਂ ਤਾਂ ਮਸਲੇ ਕਾਂਗਰਸ ਨੂੰ ਦਿੱਸੇ ਨਹੀਂ? ਤੇ ਹੁਣ ਮੋਦੀ ਹਕੂਮਤ ਨੂੰ ਡੇਗਣ ਲਈ ਕਿਸਾਨਾਂ ਦੀ ਹਮਾਇਤ ਕਰ ਰਹੀ ਹੈ ਜੋ ਨਿੰਦਣਯੋਗ ਨੀਤੀ ਹੈ ਇਸ ਕਰਕੇ ਅਸੀਂ ਸਰਕਾਰ ਤੋਂ ਮੰਗ ਕਰਦੇ ਹਾਂ ਕਿ ਇਨ੍ਹਾਂ ਕਿਸਾਨੀ ਮਸਲਿਆਂ ਦਾ ਸਾਰਥਿਕ ਹੱਲ ਲੱਭਿਆ ਜਾਵੇ। ਇਸ ਮੌਕੇ ਤੇ ਭਾਈ ਖਾਲਸਾ ਪ੍ਰਧਾਨ ਏ ਆਈ ਐਸ ਐਸ ਐਫ ਖਾਲਸਾ ਨਾਲ ਭਾਈ ਅਵਤਾਰ ਸਿੰਘ ਅੰਮ੍ਰਿਤਸਰ ਭਾਈ ਜੋਗਿੰਦਰ ਸਿੰਘ ਅਤੇ ਭਾਈ ਜਗਤਾਰ ਸਿੰਘ ਫਿਰੋਜ਼ਪੁਰ ਭਾਈ ਸਿੰਦਾ ਸਿੰਘ ਨਿਹੰਗ ਤੇ ਪਿਰਥੀ ਸਿੰਘ ਧਾਲੀਵਾਲ ਧਰਮਕੋਟ ਭਾਈ ਮਨਜਿੰਦਰ ਸਿੰਘ ਖਾਲਸਾ ਭਾਈ ਸੁਖਦੇਵ ਸਿੰਘ ਫ਼ੌਜੀ ਜਗਰਾਉਂ ਭਾਈ ਦਿਲਬਾਗ ਸਿੰਘ ਬਾਗੀ ਗੁਰਦਾਸਪੁਰ ਭਾਈ ਜਗਜੀਤ ਸਿੰਘ ਸੈਦੇਸਾਹ ਵਾਲਾ ਭਾਈ ਬਲਕਾਰ ਸਿੰਘ ਦਾਰੇਵਾਲ ਭਾਈ ਇੰਦਰਜੀਤ ਸਿੰਘ ਤੇ ਜਸਵਿੰਦਰ ਸਿੰਘ ਕਾਉਂਕੇ ਆਦਿ ਆਗੂ ਹਾਜਰ ਸਨ ।
