ਗੁਰਦਾਸਪੁਰ, 30 ਜੁਲਾਈ (ਸਰਬਜੀਤ ਸਿੰਘ)–ਵਿਸ਼ਵ ਪ੍ਰਸਿੱਧ ਅੱਖਾਂ ਦੇ ਮਾਹਿਰ ਡਾ. ਕੇ.ਡੀ ਸਿੰਘ ਨੇ ਦੱਸਿਆ ਕਿ ਕੰਨਜਕਟਿਵਾਇਟਿਸ (ਅੱਖ ਦਾ ਫਲੂ) ਇਹ ਇੱਕ ਕਿਸਮ ਦੀ ਛੂਤ ਵਾਲੀ ਬਿਮਾਰੀ ਹੈ ਜੋ ਵਾਇਰਸ ਜਾਂ ਬੈਕਟੀਰੀਆ ਕਾਰਨ ਤੁਹਾਡੀਆਂ ਅੱਖਾਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਹਾਲ ਹੀ ਵਿੱਚ ਆਏ ਹੜ੍ਹਾਂ ਅਤੇ ਜਲਵਾਯੂ ਤਬਦੀਲੀ ਕਾਰਨ ਅੱਖਾਂ ਦਾ ਫਲੂ ਵੱਧ ਰਿਹਾ ਹੈ।
ਕੀ ਹਨ ਇਸਦੇ ਲੱਛਣ-
–ਲਾਲੀ,ਢੱਕਣਾਂ ਦੀ ਸੋਜ ਅਤੇ ਅੱਖਾਂ ਵਿੱਚ ਖਾਰਸ਼ ਹੋ ਸਕਦੀ ਹੈ
–ਪੀਲਾ ਜਾਂ ਪਾਣੀ ਵਾਲਾ ਡਿਸਚਾਰਜ ਹੋ ਸਕਦਾ ਹੈ •ਚਿਪਕੀਆਂ ਪਲਕਾਂ ਹੋ ਸਕਦੀਆਂ ਹਨ।
–ਬੱਚਿਆਂ ਨੂੰ ਬੁਖਾਰ ਹੋ ਸਕਦਾ ਹੈ।
–ਕੰਨਜਕਟਿਵਾਇਟਿਸ ਦਾ ਇਲਾਜ
–ਅੱਖਾਂ ਨੂੰ ਸਾਫ਼ ਕਰਨ ਲਈ ਆਈ ਵਾਈਪ ਦੀ ਵਰਤੋਂ ਕਰੋ।
–ਆਪਣੀਆਂ ਅੱਖਾਂ ਨਾ ਰਗੜੋ
—ਸੁਰੱਖਿਆ/ ਗੂੜ੍ਹੇ ਚਸ਼ਮੇ ਦੀ ਵਰਤੋਂ ਕਰੋ।
–ਕਾਂਟੈਕਟ ਲੈਂਸ ਦੀ ਵਰਤੋਂ ਤੋਂ ਬਚੋ
–ਘਰੇਲੂ ਉਪਚਾਰ ਜਾਂ ਸਵੈ-ਨੁਸਖ਼ੇ ਦੀ ਵਰਤੋਂ ਕਰਨ ਤੋਂ ਬਚੋ
–ਆਪਣੀਆਂ ਅੱਖਾਂ ਵਿੱਚ ਕੋਈ ਵੀ ਬੂੰਦਾਂ ਵਰਤਣ ਤੋਂ ਪਹਿਲਾਂ ਆਪਣੇ ਡਾਕਟਰ ਨਾਲ ਸਲਾਹ ਕਰੋ
–ਅੱਖਾਂ ਦੇ ਡਾਕਟਰ ਨਾਲ ਸਲਾਹ ਕਰੋ ਜੇਕਰ ਤੁਹਾਨੂੰ ਨਜ਼ਰ ਧੁੰਦਲੀ ਹੋਣ, ਲੱਛਣਾਂ ਦੀ ਗੰਭੀਰਤਾ ਵਿੱਚ ਵਾਧਾ ਹੋਵੇ ਜਾਂ ਅੱਖਾਂ ਦੀ ਤਾਜ਼ਾ ਸਰਜਰੀ ਤੋਂ ਬਾਅਦ ਅੱਖਾਂ ਦਾ ਫਲੂ ਹੋਵੇ।
ਇਹ ਹੈ ਬਚਾਅ-
ਉਨ੍ਹਾਂ ਕਿਹਾ ਕਿ ਕਰੋਨਾ ਦੀ ਤਰ੍ਹਾਂ ਇਸ ਵਾਇਰਸ ਤੋਂ ਬੱਚਣ ਲਈ ਪ੍ਰਵੇਜ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਆਪਣੇ ਹੱਥਾਂ ਨੂੰ ਸਾਬਣ ਨਾਲ ਵਾਰ- ਵਾਰ ਧੋਵੋ ਅਤੇ ਲਗਾਓ, ਸੈਨੀਟਾਈਜ਼ਰ ਵਰਤੋਂ। ਸੁਰੱਖਿਆ ਵਾਲੇ ਚਸ਼ਮੇ ਪਾਓ/ ਅੱਖਾਂ ਨੂੰ ਛੂਹਣ ਤੋਂ ਬਚੋ। ਆਪਣੀਆਂ ਅੱਖਾਂ ਨੂੰ ਸਾਫ਼ ਪਾਣੀ ਨਾਲ ਧੋਵੋ। ਸੰਕਰਮਿਤ ਵਿਅਕਤੀ ਦੇ ਤੌਲੀਏ, ਰੁਮਾਲ,ਬੈੱਡਸ਼ੀਟ ਆਦਿ ਨੂੰ ਸਾਂਝਾ ਨਾ ਕਰੋ। ਆਪਣੇ ਵਾਤਾਵਰਨ ਨੂੰ ਸਾਫ਼ ਰੱਖੋ। ਇਨ੍ਹਾਂ ਦਿਨਾਂ ਦੌਰਾਨ ਭੀੜ ਵਾਲੀਆਂ ਥਾਵਾਂ ਅਤੇ ਤੈਰਾਕੀ ਤੋਂ ਬਚੋ।
